«Barys jyly» kollektsiialyq monetalary satylymǵa shyqty

Qazaqstan Ulttyq Banki 2022 jyldyń 25 qańtarynan bastap internet-dúken jumysy qaita jandanyp, «Shyǵys kúntizbesi» monetalar seriiasynan «Barys jyly» kollektsiialyq monetalarynyń satylymǵa shyǵatynyn habarlady.

Nominaly 500 teńgelik kúmis monetalar www.kazcoins.nationalbank.kz platformasynda QUB internet-dúkeni arqyly satylady.

Monetalardyń aversinde aspan álemindegi juldyzdar kartasynda juldyzdar shoǵyrynyń mifologiialyq simvoly men moneta daiyndalǵan metaldy, onyń synamasy men massasyn bildiretin jazý beinelengen. Monetany ainaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stildendirilgen beinesi jáne monetanyń nominaly beinelengen. 

Monetalardyń reversinde ortalyq bóliginde shyǵys kúntizbesi boiynsha 2022 jyldyń simvoly – barys beinesi beinelenip, ainaldyra «2022», «ShYǴYS KÚNTIZBESI», «VOSTOChNYI KALENDAR» jáne «ORIENTAL CALENDAR» jazýy bar. Ishki jaǵynda shyǵys kúntizbesiniń qalǵan on bir simvoly ornalasqan.