Biz 2025 jylǵa qarai árbir azamat úshin tiimdi institýttsionaldyq jáne infraqurylymdyq orta qalyptastyramyz. Búgin jetinshi shaqyrylǵan QR Parlamentiniń birinshi sessiiasynda Prezident Qasym-Jomart Toqaev osylai málim etti, dep habarlaidy "Ult aqparat".
Memleket basshysy elimizdiń strategiialyq baǵdary aiqyn ekenin atap ótti.
«Maqsatymyz – ozyq damyǵan elderdiń qataryna qosylý. Damyǵan el degenemiz – eń aldymen, deni saý, bilimdi jurt. Sondyqtan memlekettiń basty mindeti – azamattarymyzdyń tolyqqandy damýyna, ál-aýqatynyń artýyna jáne jaily turmysyna jaǵdai jasaý. Biz 2025 jylǵa qarai árbir azamat úshin tiimdi institýttsionaldyq jáne infraqurylymdyq orta qalyptastyramyz. Elimizdiń uzaq merzimdi damýy – sabaqtastyq, ádildik jáne órleý qaǵidattaryna negizdeledi. Kózdegen maqsatqa jetý úshin barlyq salalarda dáiekti ózgerister jasaimyz», - dedi Prezident.
