Almatydaǵy dúkenderdiń birinde kútpegen jerden kezdesken ánshiler Maqpal Júnisova men Búrkittiń videosy áleýmettik jelide qyzý talqylanyp jatyr, dep habarlaidy ult.kz.
Beinejazbada Búrkit áriptesi Maqpal Júnisovany kassaǵa jibermei, onyń satyp alǵan zattarynyń aqysyn ózi tólep bergeni kórinedi. Bul áreketke riza bolǵan halyq ártisi áleýmettik jelide alǵysyn bildirdi.
«Búrkit baýyrym kezdesip qalyp, maǵan aqsha tóletpei, bárin ózi tólep tastady. Raqmet!» – dedi Maqpal Júnisova.
Óz kezeginde Búrkit: «Bul bes kúndik ómirde bir-birimizdi syilap óteiik», – dep yqylasyn jetkizdi.
Jeli qoldanýshylary ánshiniń bul áreketin joǵary baǵalap, eki óner iesiniń ózara qurmeti men qarapaiymdylyǵyna tánti bolǵandaryn jazdy. Kópshilik olardyń syilastyǵyn úlgi etip, jyly pikirleri men aq tilekterin qarsha boratty.
