Ishki ister ministriniń orynbasary Aleksei Kalaichidi Qordaidaǵy oqiǵanyń neden bastalǵanyn aityp berdi, dep habarlaidy "Ult aqparat".
«Áý basta, iaǵni 5 aqpanda eki aýyldyń turǵyndary ustasyp qalǵan. Turmystyq qaqtyǵysqa qatysqandardyń biri qazir ustalyp, qalǵandary aýdannan shyqpaityny jóninde qolhatpen bosatyldy», - dedi Aleksei Kalaichidi OKQ-da ótken baspasóz máslihatynan keiin tilshilerge.
Onyń aitýynsha, aýyr júk kóligi úiden shyǵyp kele jatqan kezde jolda kele jatqan avtokólikpen jolǵa talasyp qalǵan.
«Kólikterde úsh-úsh adamnan bolǵan. Aqyry ózara janjal sońy tóbeleske ulasyp ketken», - dedi ol.
IIM basshysynyń orynbasary jol ústindegi tóbeleste alty kisiniń ishinde, shynynda da, jasy úlken kisiniń bolǵanyn rastady.
«Ol tóbeles kezinde zardap shekken... Jalpy qazir biz barlyq taraǵan aqparatqa taldaý júrgizip otyrmyz. Ol jerde júzge tarta adam bolǵan. Olardyń árqaisysynyń sol jerge kelý motivin zerttep jatyrmyz», - dedi ol.
