Birneshe kúnnen beri Almatynyń "Baraholkasyndaǵy" "Rahat" bazaryna qatysty daý qyzý talqyǵa túsip jatyr, - dep habarlaidy "Ult aqparat".
Ózderińizge belgili, 3 naýryz kúni 1 gektardai jerdi alyp turǵan bazar súrilip, ornyna jihaz fabrikasy salynýy múmkin degen 250-ge jýyq kásipker narazylyqqa shyqqan bolatyn. Atalǵan fabirkany salý týraly Qaýlyǵa Almaty qalasynyń burynǵy ákimi, qazir "Nur Otan" partiiasy tóraǵasynyń orynbasary Baýyrjan Baibek qol qoiǵan.
Osy oraida "Azattyq radiosy" salýshy kompaniiaǵa ielik etken adam onyń ákesi Qydyrǵali Baibekpen seriktes bolǵanyn anyqtaǵan.
Al keshe 4 naýryz kúni "Azattyq Ruhy" saitynyń iýtýb arnasynda "Almaty SPS" kompaniiasynyń ókili atalǵan daýǵa qatysty jaýap bergen. Eń qyzyǵy, atalǵan kompaniianyń resmi ókili retinde "Ulttyq arnanyń" jýrnalisi Nurbek Bekbaý jýrnalistik qyzmetin qoia turyp, "Qazmedia" ishinde jeke kompaniianyń atynan pikir bildiripti.
Endi áleýmettik jelide atalǵan másele boiynsha Baýyrjan Baibek nemese onyń sol kezdegi orynbasarlary nege jaýap bermegeni, "Ulttyq arna" jýrnalisiniń atalǵan kompaniiaǵa ne qatysy bary qyzý talqyǵa túsip jatyr.
