Bilik merzimi aiaqtalatyn AQSh prezidenti Barak Obama Chikagoda prezident retindegi sońǵy sózin sóiledi. AQSh prezidenti sózinde prezidenttik qyzmeti bastalatyn kezde ózekti bolyp turǵan taqyryptarǵa, onyń ishinde amerikalyqtardy biriktiretin ideialarǵa toqtaldy.
55 jastaǵy Obama sonymen qatar óziniń qol jetkizgen basty jetistikteri - densaýlyq saqtaý salasyna jasalǵan reformalardy, Irannyń iadrolyq baǵdarlamasyn toqtatý jónindegi halyqaralyq kelisimdi, Kýbamen qarym-qatynasty rettegenin aitty.AQSh-tyń jańa sailanǵan prezidenti Donald Tramp Obama ákimshiliginiń ishki jáne syrtqy saiasatyndaǵy osy tustaryn synaidy.
Barak Obama Gýantanamo túrmesin jabýǵa da tyrysqanyna toqtaldy.
Aq úi Obamanyń sońǵy sózi aldynda video jariialaǵan. Onda Obama sońǵy sóz - "tamasha tájiribe úshin alǵys bildirýge jáne segiz jyl prezidenttik kezeńinde alǵan sabaqtaryn talqylaýǵa berilgen múmkindik" deidi.
Barak Obamanyń prezidenttik mandaty 20 qańtarda aiaqtalady. Bul kúni Donald Tramp Vashingtondaǵy Kapitoliide ant qabyldaidy.
