بيلٸك مەرزٸمٸ اياقتالاتىن اقش پرەزيدەنتٸ باراك وباما چيكاگودا پرەزيدەنت رەتٸندەگٸ سوڭعى سٶزٸن سٶيلەدٸ. اقش پرەزيدەنتٸ سٶزٸندە پرەزيدەنتتٸك قىزمەتٸ باستالاتىن كەزدە ٶزەكتٸ بولىپ تۇرعان تاقىرىپتارعا, ونىڭ ٸشٸندە امەريكالىقتاردى بٸرٸكتٸرەتٸن يدەيالارعا توقتالدى.
55 جاستاعى وباما سونىمەن قاتار ٶزٸنٸڭ قول جەتكٸزگەن باستى جەتٸستٸكتەرٸ - دەنساۋلىق ساقتاۋ سالاسىنا جاسالعان رەفورمالاردى, يراننىڭ يادرولىق باعدارلاماسىن توقتاتۋ جٶنٸندەگٸ حالىقارالىق كەلٸسٸمدٸ, كۋبامەن قارىم-قاتىناستى رەتتەگەنٸن ايتتى.اقش-تىڭ جاڭا سايلانعان پرەزيدەنتٸ دونالد ترامپ وباما ەكٸمشٸلٸگٸنٸڭ ٸشكٸ جەنە سىرتقى ساياساتىنداعى وسى تۇستارىن سىنايدى.
باراك وباما گۋانتانامو تٷرمەسٸن جابۋعا دا تىرىسقانىنا توقتالدى.
اق ٷي وبامانىڭ سوڭعى سٶزٸ الدىندا ۆيدەو جارييالاعان. وندا وباما سوڭعى سٶز - "تاماشا تەجٸريبە ٷشٸن العىس بٸلدٸرۋگە جەنە سەگٸز جىل پرەزيدەنتتٸك كەزەڭٸندە العان ساباقتارىن تالقىلاۋعا بەرٸلگەن مٷمكٸندٸك" دەيدٸ.
باراك وبامانىڭ پرەزيدەنتتٸك مانداتى 20 قاڭتاردا اياقتالادى. بۇل كٷنٸ دونالد ترامپ ۆاشينگتونداعى كاپيتولييدە انت قابىلدايدى.
