Aqtóbede «Baqytty Bala» Halyqaralyq án festivali ótip jatyr, dep habarlaidy QazAqparat.
Álemniń jeti elinen barlyǵy 20 qatysýshy iriktelgen baiqaýdyń búgin – ekinshi kúni. Talap boiynsha ónerpazdar álemge tanymal ánderdi shyrqaidy. Ónerpazdardyń daiyndyǵy men olardyń demalysy jiti uiymdastyrylǵan. Balalarǵa túrli jarys uiymdastyrylyp, olardyń arasyndaǵy dostyqty nyǵaitýǵa bar jaǵdai jasalǵan. Ónerpazdar kóńildi keshte Dimash Qudaibergen oryndaityn ánderdi shyrqady.
«Aqtóbege ekinshi ret keldim. Buǵan deiin Beibit Oraluly atyndaǵy konkýrsqa kelip, ádilqazy boldym. Al, bul joly jańa konkýrstyń kýási bolyp otyrmyn. Baiqaý óte sátti uiymdastyrylǵan. Ónerpazdardyń ár qadamy josparlanǵan. Al jas ánshilerdi ár eldiń, óńirdiń úzdikteri der edim. Olar irikteldi, tańdaldy. Súzgiden ótkeni ǵana shaqyrylyp, sahnada óner kórsetip jatyr. Alǵashqy kúni balalar óz ana tilinde án shyrqady. Zaldaǵy dybys qoiý tehnikasy da erekshe», - dedi ádilqazylar alqasynyń múshesi Nikolai Tekeliev.
Aita keteiik, 11 tamyz kúni baiqaýdyń gala kontserti ótedi. Onyń barysynda jeńimpazdar marapattalady.
Buǵan deiin habaralǵanamyzdai, baiqaýǵa barlyǵy 200-ge jýyq adamnan ótinish túsken. 2018 jyldan beri ótip kele jatqan óner dodasynyń uiymdastyrýshylary - «Habar» arnasy jáne «Dimash Ali» shyǵarmashylyq ortalyǵy.
