Beipartiialyq sailaýdy baiqaý ortalyǵynyń jetekshisi, Qazaqstan Azamattyq aliansynyń prezidenti Baný Nurǵazieva sailaýshylardyń belsendiligi joǵary ekenin málimdedi, dep habarlaidy QazAqparat.
«Buryn da aityp ótkenimdei, búgin Qazaqstannyń búkil aýmaǵynda Beipartiialyq baiqaý ortalyǵynyń baiqaýshylary eldegi sailaý naýqanyna qatysyp jatyr. 10 myńǵa tarta sailaý ýchaskesindegi olardyń sany shamamen 20 myńǵa jetedi. Osy rette kelesi máselelerdi atap óter edim: meniń jáne bizdiń áriptestesterdiń oiynsha, qazirgi sailaýda sailaýshylardyń belsendiligi joǵary», - dedi Baný Nurǵazieva Sailaýdy beipartiialyq baiqaý ortalyǵynda tilshilerdiń suraǵyna jaýap bere otyryp.
Ortalyq basshysynyń ózi de búgin túske deiin elordadaǵy №60 sailaý ýchaskesine baryp daýys bergen jáne sol kezde azamattardyń uzyn-sonar kezekte turǵanyn kórgen.
«Búgingi tańda bizdiń qoldaǵy málimetke sáikes, tizimde tirkelgen sailaýshylardyń jartysynan kóbi daýys berip qoidy. Sonymen qatar, zańbuzýshylyqtardyń da tirkelip jatqanyn atap ótý kerek. Naqtyraq aitqanda, kei sailaýshylardyń óz otbasy úshin daýys bere salǵysy keletinderi kezdesedi. Odan bólek saiasi partiialardyń ókilderi daýys berýge kelgen kezde taqqan maskalarynda partiialarynyń jazýy turatyn jaǵdailar da bar. Sondai-aq, provokatsiialyq sipattaǵy áreketter de kezdesedi. Máselen, keibir baiqaýshynyń óz áriptesterimen sóz talastyryp, kedergi keltirgisi keletinderi de kezdesedi. Meniń oiymsha, mundai áreketter baiqaý barysyna ziianyn tigizedi», - dedi ol.
Baný Nurǵazieva naqty mysaldy keltirdi. Onyń aitýynsha Soltústik Qazaqstan oblysyndaǵy №587 sailaý ýchaskesinde (Petropavl qalasy) Qazaqstan jastar aqparat qyzmetiniń (MISK) ókili baiqaýshylardyń bárine kedergi keltirip, beinetúsirilim júrgizip, sailaý barysyn daýystap pikir bildire bastaǵan.
Baiqaýshylardyń, sailaý komissiiasy tóraǵasynyń eskertýin elemegen.
Osyǵan bailanysty baiqaýshylar birige kele akt jasap, komissiia tóraǵasynan ony syrtqy shyǵarýdy ótinýge májbúr bolǵan.
