Úkimet bankterge Qazaqstannan rýbldi qolma-qol shyǵarýǵa ruqsat berdi. Qaýly NQA etalondyq baqylaý banki saitynda jariialandy, - dep habarlaidy "Ult aqparat".
"Qazaqstan Respýblikasynyń ekinshi deńgeili bankterine 2022 jyldyń 31 tamyzyna deiin kassalarda 1 shilde saǵat 23:59 boiynsha jinaqtalǵan kólem sheginde Qazaqstannan qolma-qol Resei rýblin alyp ketýge ruqsat etilsin", - delingen qujatta.
Qaýly qol qoiylǵan kúninen bastap qoldanysqa engiziledi.
Eske salsaq, naýryz aiynda Prezident Qazaqstannan 10 000 dollarlyq ekvivalentten asatyn shetel valiýtasyn alyp ketýge tyiym salatyn Jarlyqqa qol qoiǵan edi.
Maýsym aiynyń ortasynda Memleket basshysy qujatqa ózgerister engizdi, sonyń nátijesinde Jarlyqta erekshelikter paida boldy.
Ulttyq bank shildede Qazaqstanda rýbldiń kóptep paida bolý sebebin túsindirgen bolatyn.
"Qazaqstan men Resei Federatsiiasy arasyndaǵy saýda qarym-qatynasynyń tyǵyzdyǵyna bailanysty qolma-qol aqsha túrindegi rýbl qazaqstandyq bankterde valiýtany elden áketýge shekteý qoiýǵa bola jinaqtaldy. Buǵan shekaralyq saýdanyń aitarlyqtai úlken kólemi, sondai-aq el azamattarynyń erkin qozǵalysy siiaqty faktorlar áser etti”, – degen edi Ulttyq bankte.
