ٷكٸمەت بانكتەرگە قازاقستاننان رۋبلدٸ قولما-قول شىعارۋعا رۇقسات بەردٸ. قاۋلى نقا ەتالوندىق باقىلاۋ بانكٸ سايتىندا جارييالاندى, - دەپ حابارلايدى "ۇلت اقپارات".
"قازاقستان رەسپۋبليكاسىنىڭ ەكٸنشٸ دەڭگەيلٸ بانكتەرٸنە 2022 جىلدىڭ 31 تامىزىنا دەيٸن كاسسالاردا 1 شٸلدە ساعات 23:59 بويىنشا جيناقتالعان كٶلەم شەگٸندە قازاقستاننان قولما-قول رەسەي رۋبلٸن الىپ كەتۋگە رۇقسات ەتٸلسٸن", - دەلٸنگەن قۇجاتتا.
قاۋلى قول قويىلعان كٷنٸنەن باستاپ قولدانىسقا ەنگٸزٸلەدٸ.
ەسكە سالساق, ناۋرىز ايىندا پرەزيدەنت قازاقستاننان 10 000 دوللارلىق ەكۆيۆالەنتتەن اساتىن شەتەل ۆاليۋتاسىن الىپ كەتۋگە تىيىم سالاتىن جارلىققا قول قويعان ەدٸ.
ماۋسىم ايىنىڭ ورتاسىندا مەملەكەت باسشىسى قۇجاتقا ٶزگەرٸستەر ەنگٸزدٸ, سونىڭ نەتيجەسٸندە جارلىقتا ەرەكشەلٸكتەر پايدا بولدى.
ۇلتتىق بانك شٸلدەدە قازاقستاندا رۋبلدٸڭ كٶپتەپ پايدا بولۋ سەبەبٸن تٷسٸندٸرگەن بولاتىن.
"قازاقستان مەن رەسەي فەدەراتسيياسى اراسىنداعى ساۋدا قارىم-قاتىناسىنىڭ تىعىزدىعىنا بايلانىستى قولما-قول اقشا تٷرٸندەگٸ رۋبل قازاقستاندىق بانكتەردە ۆاليۋتانى ەلدەن ەكەتۋگە شەكتەۋ قويۋعا بولا جيناقتالدى. بۇعان شەكارالىق ساۋدانىڭ ايتارلىقتاي ٷلكەن كٶلەمٸ, سونداي-اق ەل ازاماتتارىنىڭ ەركٸن قوزعالىسى سيياقتى فاكتورلار ەسەر ەتتٸ”, – دەگەن ەدٸ ۇلتتىق بانكتە.
