2025 jylǵa qarai eldegi infliatsiia deńgeii 3-4 paiyz dálizinde bolýy kerek. Úkimettiń keńeitilgen otyrysynda Memleket basshysy Qasym-Jomart Toqaev osyndai tapsyrma berdi, dep habarlaidy QazAqparat.
«Ulttyq bank infliatsiia dálizin 2022 jyly 4-6 paiyz deńgeiinde, 2025 jyly 3-4 paiyz deńgeiinde ustap turý úshin táýelsiz aqsha-nesie saiasatyn, aqylǵan qonymdy saiasat ustaný kerek», - dedi Prezident.
Onyń aitýynsha, naqty ekonomikany kreditteý týraly da umytýǵa bolmaidy.
«2018 jyldan beri bank sektoryn ornyqty damytý baǵdarlamasy iske asyrylyp jatyr. Problemaly kreditterdiń shyǵynyn jabý úshin bankterge 700 mlrd teńge bólingen. Alaida bankter tarapynan kredit qoljetimdiligi jáne kólemi boiynsha qarymta qadam baiqalyp otyrǵan joq. Eski problema. Únemi aityp júrmiz. Ótimdiligi joǵary profitsitter ósip jatyr. Bul problemany bilemiz. Ol bankterdiń atyn da bilemiz. Búginde atalmysh profitsit 12 trln teńgedei bolǵan. Bul qarajat ekonomikaǵa, onyń ishinde biznestiń aqylǵa qonymdy jolmen damýyna, ipotekalyq naryqqa jumys isteýi kerek. Retteý tetigin qurý kerek. Sol arqyly bankter bankterdiń tiimdi jobalardy qarjylandyrýǵa nietti bolýy kerek. Bul - Ulttyq banktiń jańa basshylyǵy men Qarjy naryǵyn retteý jáne damytý agenttiginiń mindeti», - dedi Toqaev.
