Ol ministrlik jeke tulǵalardyń bankrottyq institýtyn engizý boiynsha jumysty qaita bastaǵanyn aitty. Halyqaralyq tájiribeni eskere otyryp, qaryz somasy men merzimine bailanysty rásimderdiń úsh túrin engizý usynylady:
1. Ol zań jobasy "Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly" dep atalady. Árine, zań tek Qazaqstan azamattary úshin ǵana emes, qarjy naryǵynyń barlyq qatysýshysy úshin de mańyzdy. Jalpy, bul biraz qaryz alýshylarǵa kómektesedi. Zańda tólem qabilettiligin qalpyna keltirý kózdelgen. Onda turaqty kiris bolǵan jaǵdaida bes jylǵa deiin qaryzdy óteý úshin sot tártibimen bólip tóleý josparyn alý múmkindigi qarastyrylǵan. 5 million teńgeden asatyn bereshekti tóleý jospary qarjy menedjerimen birlesip ázirlenip, sot organdarymen bekitiledi. Bul úshin boryshker men nesie berýshiniń kelisimi qajet.
2. Turaqty kiris bolmaǵan jáne qaryzdy óteý perspektivasy bolmaǵan jaǵdaida bankrottyqty eki túrde qoldaný usynylady: birinshisi - sottan tys bankrottyq, ol úsh jaǵdaida qoldanylýy múmkin. Birinshisi, bankter men shaǵyn nesie uiymdaryna bes jyldan astam bereshegi bar azamattar. Ekinshisi, eger azamattardyń 12 ai ishinde qaryzy ótelmese. Bul rette qaryz somasy 300 myń teńgeden aspaýy kerek jáne qaryzdy óteýge bolatyn múlki bolmaýy tiis. Úshinshisi, 6 ai ishinde 5 million teńgege deiingi ótelmegen qaryzy bar azamattar bankrottyq rásimin bastai alady. Azamat "Elektron úkimet" veb-portaly arqyly sottan tys tártipte bankrottyq týraly ótinish beredi. Sondai-aq "E-salyq azamat" qosymshasy arqyly qujattardy tapsyrýǵa bolady. Jeke modýl ázirlenedi. Qujattardy qabyldaǵannan keiin talaptarǵa sáikestigine, iaǵni múliktiń joqtyǵyna, merziminiń saqtalýyna jáne t.b. avtomattandyrylǵan tekserý júrgiziledi.
3. Bankrottyqty alý úshin azamattar sotqa 5 million teńgeden astam ótelmegen bereshegi boiynsha júginedi. Bul rásim barysynda boryshkerdiń múlki aýktsionda satylady. Túsken qarajat belgilengen tártippen kreditorlar aldyndaǵy qaryzdardy óteýge jumsalady. Eger jalǵyz turǵyn úi kepil nysany bolsa, onda nesie berýshi ony tek sot bankrottyǵy kezinde ǵana qaitaryp alýǵa quqyly. Eger adamnyń tabysy rasymen az bolyp, múlki joq ekeni dáleldense, ol bankrot dep jariialanyp, qaryzdarynan qutylady.
Degenmen bankrottyq aliment tóleýden bosatpaidy.
"Sondyqtan adam ózin bankrot dep jariialamas buryn onyń yqtimal saldary men shekteýleri týraly oilanýy kerek. Jalpy, bankrottyqty qoldaný jeke tulǵalarǵa qaryz aýyrtpalyǵynan qutylyp, belsendi ekonomikalyq qyzmetpen ainalysa bastaýǵa múmkindik beredi", - dep qorytyndylady vitse-ministr.
