Bankrot dep tanylǵan Qazaqstan azamattary shetelge shyǵa almaidy. Bul týraly QR Qarjy birinshi vitse-ministri Marat Sultanǵaziev málim etti, dep habarlaidy QazAqparat.
«Banktrot bolyp tanylǵan tqlǵalardyń bereshekteri shegerilgenimen olarǵa qatysty birqatar shekteýler de bolatyndyǵyn atap ótkim keledi. Iaǵnibankrot dep tanylǵannan keiin onyń saldaryna da nazar aýdarý qajet. Zań jobasynda banktrot dep tanylǵan azamattarǵa 5 jyl boiy qaryzdar, nesieler alýǵa tyiym kózdelgen. Sonymen qatar azamat 3 jyl boiy emdelýdi, jaqyn týystaryn emdelýge ertip júrýdi nemese jerleýge barýdy qospaǵanda, elden tys jerlerge shyǵa almaidy», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, azamattar 7 jyldan keiin ǵana bankrottyqty qaita qoldana alady.
«Sondyqtan azamat ózin bankrot dep jariialaýdan buryn yqtimal saldary jáne ary qarai qandai kózder esebinen ómir súre alatyny týraly oilaný qajet. Jalpy, bankrottyqty qoldaný jeke tulǵalarǵa boryshtyq júktemesinen qutylýǵa jáne belsendi ekonomikalyq qyzmetin júrgizýdi bastaýǵa múmkindik beredi», - dedi Marat Sultanǵaziev.
