Oralda bankomattyń aqsha qabyldaityn uiashyǵynda qalyp qoiǵan 600 myń teńgeden astam qarajatty alyp ketken er adam ustaldy, dep habarlaidy ult.kz.
Oblystyq politsiia departamentiniń málimetinshe, oqiǵa saýda úileriniń birinde bolǵan. Áiel bankomat arqyly shotyna 600 myń teńgeden astam aqsha salǵan. Alaida tehnikalyq aqaýǵa bailanysty qarajat esepshotqa túspei, bankomattyń aqsha qabyldaityn bóliginde qalyp qoiǵan.
Áiel operatsiia aiaqtaldy dep oilap, bankomattan ketken. Biraz ýaqyttan keiin kelgen er adam uiashyqta turǵan aqshany alyp ketken.
Politsiia kúdikti retinde Oral qalasynyń 45 jastaǵy turǵynyn ustady. Tárkilengen aqsha iesine qaitaryldy.
Qazir atalǵan fakti boiynsha qylmystyq is júrgizilip jatyr.
Politsiia azamattardy bankomat arqyly aqsha salǵan kezde operatsiianyń tolyq aiaqtalǵanyna jáne qarajattyń shotqa túskenine kóz jetkizýge shaqyrdy.
