ورالدا بانكوماتتىڭ اقشا قابىلدايتىن ۇياشىعىندا قالىپ قويعان 600 مىڭ تەڭگەدەن استام قاراجاتتى الىپ كەتكەن ەر ادام ۇستالدى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, وقيعا ساۋدا ٷيلەرٸنٸڭ بٸرٸندە بولعان. ەيەل بانكومات ارقىلى شوتىنا 600 مىڭ تەڭگەدەن استام اقشا سالعان. الايدا تەحنيكالىق اقاۋعا بايلانىستى قاراجات ەسەپشوتقا تٷسپەي, بانكوماتتىڭ اقشا قابىلدايتىن بٶلٸگٸندە قالىپ قويعان.
ەيەل وپەراتسييا اياقتالدى دەپ ويلاپ, بانكوماتتان كەتكەن. بٸراز ۋاقىتتان كەيٸن كەلگەن ەر ادام ۇياشىقتا تۇرعان اقشانى الىپ كەتكەن.
پوليتسييا كٷدٸكتٸ رەتٸندە ورال قالاسىنىڭ 45 جاستاعى تۇرعىنىن ۇستادى. تەركٸلەنگەن اقشا يەسٸنە قايتارىلدى.
قازٸر اتالعان فاكتٸ بويىنشا قىلمىستىق ٸس جٷرگٸزٸلٸپ جاتىر.
پوليتسييا ازاماتتاردى بانكومات ارقىلى اقشا سالعان كەزدە وپەراتسييانىڭ تولىق اياقتالعانىنا جەنە قاراجاتتىڭ شوتقا تٷسكەنٸنە كٶز جەتكٸزۋگە شاقىردى.
