Bir kúni bir dosymmen bankomatqa baryp qaldym. Sol kezde sol dosym bankomatta qazaqsha basqanyma ań-tań bolyp, 1 000 000 jyl buryn qyrylyp ketken dinozavrdy kórgendei kózi "banka" boldy.
Keiin bul jigit óziniń dostarymen tanystyrǵanda, "bankomatta qazaq tilin tandaityn jigit" dep qaljyndap tanystyratyn boldy.
Sol kezde bul jaiǵa asa mán aýdarmappyn. Biraq ýaqyt óte kele, dostarym, týysqandarym, jalpy búkil ainalamdaǵy QAZAQShA SÓILEITIN adamdardyń 99%-y bankomatta oryssha tandaitynyna kózim jetti. Sol adamdardyń arasynda qazaq tili úshin jany ashityndar az emes.
Biraq, nelikten qazaq tilin tandaý mańyzdy? Al, sebebi mynaý. Bank júielerin jaqsy túsinetin adam retinde aita keteiin. Ár bank, jalpy deni saý ár biznes ózine 'Tutynýshy portretin' qurady. Ol ne? Ol tutynýshynyń orta jasy, ol tutynýshynyń jynysy, onyń geolokatsiiasy, onyń sóileitin tili jáne t.b. san myńdaǵan tutynýshyny sipattaityn qasietter. Siz qalaisyz ba, qalamaisyz ba, ár biznes sizdi ne myna, ne ana topqa qosyp, segmentatsiiany júzege asyrady. Mysalǵa, "Kaspii bankta" kóbinese jeke tulǵalar, "Kazkomda" kóbinese biznes-mekemeler, al "Halyq bankta" kóbinese zeinetkerler men memlekettik mekemelerde isteitin tutynýshylar qyzmet alady.
Sol siiaqty, vkontakte jelisi kóbinese mektepte jáne ýniversitette oqityn jasóspirimder bolsa, feisbýk jelisinde kóbinese eresek adamdar otyrady.
Minekei, sáikes túrde ár adam oryssha ne qazaqsha tańdaý arqyly, bankta qazaq jáne orys tildi tutynýshylardyń úlesi ózgerip otyrady. Al endi suraq, sizderdiń árqaisynyz orys tildi tańdaý arqyly banktaǵy tutynýshylardyń ishinde orys tildilerdiń úlesin 95% jetkizdińiz, al qazaq tildi tutynýshy 5% bolyp qaldy. Bank qai tutynýshynyń múddesin qorǵaýǵa tyrysady? Qai toptyń pikirin qulaqqa asady?
"Qazaq tildi tutynýshysyń ba? Sen kimsiń, sen joq bolyp ketseń de, biz baiqamai qalamyz", - deýi múmkin.
Shynymdy aitsam, ár bankpen til máselesi boiynsha kúresýden sharshadym. Óitkeni olar maǵan statistikany kórsetedi, 95% oryssha qoldanady, nesine sen basymyzdy qatyrasyń degendei.
Sondyqtan, árdaiym bankomatqa barǵanda orys tilin tandaý arqyly, qazaq tiliniń úlesin ysyryp tastaǵanyńyzdy este saqtaǵanyńyz jón.
Osydan keiin qazaq tilin kompaniialar mensinbeidi dep renjitin qazaqpyz ǵoi.
Jalpy, bul bankomatqa ǵana qatysty emes, barlyq qyzmet túrlerine qatysty.
Ǵani Myrzamuratovtyń feisbýktegi jazbasynan
