Foto: ashyq derekkóz
Elimizde bankomat arqyly iri kólemde aqsha aýdarýǵa baqylaý kúsheitiledi, dep habarlaidy Ult.kz.
Endi 500 myń teńgeden asatyn somaǵa karta toltyrǵan kezde jiberýshiniń IIN-i (jeke sáikestendirý nómiri) mindetti túrde kórsetilýi tiis.
Qarjy monitoringi agenttigi tóraǵasynyń orynbasary Qairat Bijanovtyń aitýynsha, qazirgi sharalarǵa qaramastan, bankomat arqyly qolma-qol aqsha ainalymy ósip keledi. Buǵan — jiberýshi men alýshynyń naqty tulǵasyn anyqtaýsyz jasalatyn aýdarymdar men bógde adamdardyń atyndaǵy kartalardy paidalaný sebep bolyp otyr.
Josparlanyp otyrǵan negizgi ózgerister:
-
500 myń teńgeden joǵary somaǵa kartaǵa aqsha salǵanda jiberýshiniń IIN-in kórsetý mindetti;
-
operatsiiany mobildi qosymsha nemese SMS arqyly qosymsha rastaý tetigi engiziledi;
-
2026 jyldyń 1 qańtarynan bastap bankter bankomattaǵy beinejazbalardy keminde 180 kún saqtaý mindetin alady;
-
bolashaqta biometriialyq sáikestendirý (bet-álpetti nemese saýsaq izin taný) júiesin engizý talqylanýda.
Qarjy monitoringi agenttigi bul sharalar aqshany zańsyz ainalymǵa shyǵarýdy azaitýǵa jáne kúmándi qarjylyq operatsiialarǵa qatysýshylardy anyqtaýdy jeńildetýge baǵyttalǵanyn atap ótti.
Agenttik qazir banktermen birlesip, tiisti normativtik ózgeristerdi daiyndap jatyr.
