Bank sektorynan depozitterdiń áketilýi bolǵan joq. Bul týraly Ulttyq bank tóraǵasy Erbolat Dosaev aitty, dep habarlaidy QazAqparat.
«Qarjylyq turaqtylyqty qamtamasyz etý úshin salymshylardyń qarajatyn saqtaý - Ulttyq banktiń basty basymdyǵy. Belgisizdiktiń joǵary bolýyna qaramastan, qańtardyń basyndaǵy qiyn kúnderde bank sektorynan depozitterdiń áketilýi bolǵan joq. Mysal retinde keltirsek, osy jyldyń basynan bastap jeke tulǵalardyń salymdary 13,5 trln teńgege deiin (32 mlrd teńgege) ósti. Memleket qoldanystaǵy zańnamaǵa sáikes halyq salymdarynyń saqtalýyn qamtamasyz etetinin rastaǵym keledi», - dedi ol Prezidenttiń biznes ókilderimen kezdesýinde.
Erbolat Dosaevtyń aitýynsha, salymshylardyń senimin arttyrý úshin olardyń aqshasynyń saqtalýyn qamtamasyz etý boiynsha qosymsha shara retinde jinaq depozitterge kepildik berý somasy 15 mln teńgeden 20 mln teńgege deiin ósirildi.
«Bul norma 2021 jylǵy jeltoqsanda siz qol qoiǵan zańǵa sáikes osy jylǵy 11 qańtardan bastap qoldanysqa engizildi», - dedi Erbolat Dosaev.
