بانك سەكتورىنان دەپوزيتتەردٸڭ ەكەتٸلۋٸ بولعان جوق. بۇل تۋرالى ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«قارجىلىق تۇراقتىلىقتى قامتاماسىز ەتۋ ٷشٸن سالىمشىلاردىڭ قاراجاتىن ساقتاۋ - ۇلتتىق بانكتٸڭ باستى باسىمدىعى. بەلگٸسٸزدٸكتٸڭ جوعارى بولۋىنا قاراماستان, قاڭتاردىڭ باسىنداعى قيىن كٷندەردە بانك سەكتورىنان دەپوزيتتەردٸڭ ەكەتٸلۋٸ بولعان جوق. مىسال رەتٸندە كەلتٸرسەك, وسى جىلدىڭ باسىنان باستاپ جەكە تۇلعالاردىڭ سالىمدارى 13,5 ترلن تەڭگەگە دەيٸن (32 ملرد تەڭگەگە) ٶستٸ. مەملەكەت قولدانىستاعى زاڭناماعا سەيكەس حالىق سالىمدارىنىڭ ساقتالۋىن قامتاماسىز ەتەتٸنٸن راستاعىم كەلەدٸ», - دەدٸ ول پرەزيدەنتتٸڭ بيزنەس ٶكٸلدەرٸمەن كەزدەسۋٸندە.
ەربولات دوساەۆتىڭ ايتۋىنشا, سالىمشىلاردىڭ سەنٸمٸن ارتتىرۋ ٷشٸن ولاردىڭ اقشاسىنىڭ ساقتالۋىن قامتاماسىز ەتۋ بويىنشا قوسىمشا شارا رەتٸندە جيناق دەپوزيتتەرگە كەپٸلدٸك بەرۋ سوماسى 15 ملن تەڭگەدەن 20 ملن تەڭگەگە دەيٸن ٶسٸرٸلدٸ.
«بۇل نورما 2021 جىلعى جەلتوقساندا سٸز قول قويعان زاڭعا سەيكەس وسى جىلعى 11 قاڭتاردان باستاپ قولدانىسقا ەنگٸزٸلدٸ», - دەدٸ ەربولات دوساەۆ.
