Bank kartochkalary arqyly 93,7 trln teńgege operatsiia jasaldy – Ulttyq bank

Ótken jyly Qazaqstanda bank kartochkalary arqyly 93,7 trln teńge somasyna operatsiia jasaldy, dep habarlaidy Ulttyq banktiń baspasóz qyzmeti.

2021 jyly qazaqstandyq bankterdiń tólem kartochkalary arqyly jalpy kólemi 93,7 trln teńge somaǵa 6,5 mlrd operatsiia júrgizildi (2020 jyly – 52 trln teńge somaǵa 3,2 mlrd operatsiia júrgizilgen).

Sýretti úlkeitý 

Tólem kartochkalary boiynsha operatsiialar kóleminiń 78% (73,1 trln teńge) qolma-qol aqshasyz tásilmen júrgizildi jáne 22% (20,6 trln teńge) bankomattardan qolma-qol aqsha alýǵa keledi.

2021 jyly ár bes qolma-qol aqshasyz operatsiianyń úsheýi internet jáne mobildi banking arqyly júrgizildi, olardyń úlesi jalpy kólemnen 83% qurady. Ortasha alǵanda, internet jáne mobildi banking arqyly júrgizilgen kúndelikti operatsiialar kólemi jalpy somasy 167 mlrd teńgeden artyq 11,5 mln-nan asty.

Tólem kartochkalaryn paidalana otyryp, taýarlar men qyzmetterge aqy tóleý úshin infraqurylym keńeiýde. POS-terminaldardyń sany 2,4 esege ósip, 509 myń birlikti qurady. Naryqtaǵy POS-terminaldardyń 97% janasýsyz tólem fýnktsiiasyn qoldaidy.

Tólem kartochkalaryn qabyldaityn kásipkerler sany 2,5 esege ósip, 274 myńdy qurady.