Búgin Parlament Májilisi depýtaty Islam Suńqar depýtattyq saýalynda «Otbasy bankine» qatysty másele kóterdi. Ol óz sózinde: «Azamattarǵa óz aqshalaryn qaryzǵa berý, sondai-aq paiyzben berý, sonymen qoimai bank komissiialaryn alý qanshalyqty ádiletti?» degen saýal joldady, dep habarlaidy "Ult aqparat".
«Salymshylardyń narazylyǵyna banktiń ózi bylai jaýap beredi. Klient salǵan soma depozitte saqtalady jáne bul qaryz boiynsha qamtamasyz etý. Osy sommaǵa depozit boiynsha syiaqy jáne memlekettik syiaqy taǵaiyndalady. Bul kepil klientke tabys ákeledi deidi. Biz muny qarjylyq qýlyqtan basqa eshteńe dep sanamaimyz.
Sonymen qatar, 2023 jyly qazaqstandyq iri bankter arasynda óz kapitalynyń paidasyn ulǵaitý boiynsha dál osy Otbasy Banki kósh bastap tur. Ósim 87,9% – 107,5 mlrd teńgeni qurady. Sonymen qatar, bul qarapaiym salymshylarǵa áser etpeidi. Sondyqtan ekinshi ádil suraq týyndaidy – kiristi kim alady? Bank nemese Qazaqstan azamattary? Biz bank klientterdiń aqshasyn tómen mólsherlememen depozitte paidalanyp, milliardtaǵan tabys tabady jáne ony klientke bermei óz qalaýy boiynsha paidalanatynyn ádiletsiz dep sanaimyz», -dedi depýtat óz sózinde.
