Atyraýda áýesqoi balyqshylar Jaiyq ózenine qatqan muz ústinde «Jerusalema» áýenine biledi, dep habarlaidy "Ult aqparat".
Jaqynda Prezident Qasym-Jomart Toqaev Úkimettiń keńeitilgen otyrysynda Jaiyq ózeniniń ekologiialyq ahýalyna alańdaýshylyq bildirgen edi.
Memleket basshysynyń bul alańdaýshylyǵyna Atyraýdaǵy jergilikti belsendiler qoldaý kórsetti.
Sonyń biri - Jandos Álimaǵanbetov Jaiyq ózeniniń sýy ortaiyp, ekologiialyq apattyń aldynda turǵanyna qatysty pikirin aitty.
«Biz muz ústinde «Jerusalema» áýenine bileý arqyly Jaiyq ózenine nazar aýdarýdy jón kórdik. Muz ústindegi bige Atyraý qalasynyń janashyr turǵyndary, @caspian_fishermen_atyrau tobynyń balyqshylary men eriktiler qatysty. Osyndai erekshe ádisti tańdap, batys aimaqtaǵy turǵyndardyń tirshilik nárine ainalǵan ózenge degen janashyrlyǵymyzdy bildirýdi kózdedik» - deidi ol.
Atyraýlyq jastar Jaiyq ózenine kórshi eldegi kóp bóget qaýip tóndiredi dep alańdaidy.
«Qazaqstan Respýblikasynyń Prezidenti Qasym-Jomart Toqaev Úkimettiń keńeitilgen otyrysynda ózenniń ekojúiesin saqtaý máselesin kóterdi. Biz jaqyn arada Jaiyq ózeniniń arnasyn qaita tolǵanyn qalaimyz» deidi atyraýlyq áýesqoi balyqshylar.
