اتىراۋدا ەۋەسقوي بالىقشىلار جايىق ٶزەنٸنە قاتقان مۇز ٷستٸندە «Jerusalema» ەۋەنٸنە بيلەدٸ, دەپ حابارلايدى "ۇلت اقپارات".
جاقىندا پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا جايىق ٶزەنٸنٸڭ ەكولوگييالىق احۋالىنا الاڭداۋشىلىق بٸلدٸرگەن ەدٸ.
مەملەكەت باسشىسىنىڭ بۇل الاڭداۋشىلىعىنا اتىراۋداعى جەرگٸلٸكتٸ بەلسەندٸلەر قولداۋ كٶرسەتتٸ.
سونىڭ بٸرٸ - جاندوس ەليماعانبەتوۆ جايىق ٶزەنٸنٸڭ سۋى ورتايىپ, ەكولوگييالىق اپاتتىڭ الدىندا تۇرعانىنا قاتىستى پٸكٸرٸن ايتتى.
«بٸز مۇز ٷستٸندە «Jerusalema» ەۋەنٸنە بيلەۋ ارقىلى جايىق ٶزەنٸنە نازار اۋدارۋدى جٶن كٶردٸك. مۇز ٷستٸندەگٸ بيگە اتىراۋ قالاسىنىڭ جاناشىر تۇرعىندارى, @caspian_fishermen_atyrau توبىنىڭ بالىقشىلارى مەن ەرٸكتٸلەر قاتىستى. وسىنداي ەرەكشە ەدٸستٸ تاڭداپ, باتىس ايماقتاعى تۇرعىنداردىڭ تٸرشٸلٸك نەرٸنە اينالعان ٶزەنگە دەگەن جاناشىرلىعىمىزدى بٸلدٸرۋدٸ كٶزدەدٸك» - دەيدٸ ول.
اتىراۋلىق جاستار جايىق ٶزەنٸنە كٶرشٸ ەلدەگٸ كٶپ بٶگەت قاۋٸپ تٶندٸرەدٸ دەپ الاڭدايدى.
«قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ٶزەننٸڭ ەكوجٷيەسٸن ساقتاۋ مەسەلەسٸن كٶتەردٸ. بٸز جاقىن ارادا جايىق ٶزەنٸنٸڭ ارناسىن قايتا تولعانىن قالايمىز» دەيدٸ اتىراۋلىق ەۋەسقوي بالىقشىلار.
