Balyqtyń ýyldyryq shashatyn ýaqytynda sý kóligin júrgizý erejesine narazy bolǵan Atyraý oblysyndaǵy Janbai, Zineden aýyldarynyń 37 turǵyny turaqty jumysqa ornalasatyn boldy.
Esterińizge salaiyq, sáýir aiynyń basynda bul tártipke kóngisi kelmegen birneshe turǵyn bilik ókilderimen qaqtyǵysqan edi. Sebebi, Balyq qorǵaý inspektsiiasy sý janýarynyń kóbeiýine kedergi bolmaý úshin motorynyń qýaty 20 attyń kúshinen asatyn qaiyqtardy teńizge shyǵarmai qoiǵan.
Bos jumys oryndary jármeńkesinen soń qos aýyl turǵyndarynan 117 túiindeme qabyldanǵan. Ótken aidaǵy aqparat boiynsha, olardyń 37-si turaqty jumysqa ornalasatyn boldy. 16 adamnyń kandidatýralary qaitadan zerdelenip jatyr.
Maman qabyldap jatqan uiymdardyń deni “TeńizShevroil” munai kompaniiasymen birlesip jumys isteidi. Usynylǵan myńǵa jýyq qyzmetterdiń ishinde kólik júrgizýshisi, qurylysshy sekildi jumys oryndary bar.
Aita ketelik, buǵan deiin Janbai, Zineden aýyldaryndaǵy jumyssyzdardyń sany 118 bolǵan edi. Eldi mekendegi keibir turǵyndar balyq aýlaýmen ainalysady.
