بالىقتىڭ ۋىلدىرىق شاشاتىن ۋاقىتىندا سۋ كٶلٸگٸن جٷرگٸزۋ ەرەجەسٸنە نارازى بولعان اتىراۋ وبلىسىنداعى جانباي, زينەدەن اۋىلدارىنىڭ 37 تۇرعىنى تۇراقتى جۇمىسقا ورنالاساتىن بولدى.
ەستەرٸڭٸزگە سالايىق, سەۋٸر ايىنىڭ باسىندا بۇل تەرتٸپكە كٶنگٸسٸ كەلمەگەن بٸرنەشە تۇرعىن بيلٸك ٶكٸلدەرٸمەن قاقتىعىسقان ەدٸ. سەبەبٸ, بالىق قورعاۋ ينسپەكتسيياسى سۋ جانۋارىنىڭ كٶبەيۋٸنە كەدەرگٸ بولماۋ ٷشٸن موتورىنىڭ قۋاتى 20 اتتىڭ كٷشٸنەن اساتىن قايىقتاردى تەڭٸزگە شىعارماي قويعان.
بوس جۇمىس ورىندارى جەرمەڭكەسٸنەن سوڭ قوس اۋىل تۇرعىندارىنان 117 تٷيٸندەمە قابىلدانعان. ٶتكەن ايداعى اقپارات بويىنشا, ولاردىڭ 37-سٸ تۇراقتى جۇمىسقا ورنالاساتىن بولدى. 16 ادامنىڭ كانديداتۋرالارى قايتادان زەردەلەنٸپ جاتىر.
مامان قابىلداپ جاتقان ۇيىمداردىڭ دەنٸ “تەڭٸزشەۆرويل” مۇناي كومپانيياسىمەن بٸرلەسٸپ جۇمىس ٸستەيدٸ. ۇسىنىلعان مىڭعا جۋىق قىزمەتتەردٸڭ ٸشٸندە كٶلٸك جٷرگٸزۋشٸسٸ, قۇرىلىسشى سەكٸلدٸ جۇمىس ورىندارى بار.
ايتا كەتەلٸك, بۇعان دەيٸن جانباي, زينەدەن اۋىلدارىنداعى جۇمىسسىزداردىڭ سانى 118 بولعان ەدٸ. ەلدٸ مەكەندەگٸ كەيبٸر تۇرعىندار بالىق اۋلاۋمەن اينالىسادى.
