Ótken jyldyń qarasha aiynda joǵalyp ketken Balqash qalasynyń turǵyny kól jaǵasynan óli tabyldy. Marqumnyń denesinde zorlyq belgileri joq, - dep habarlaidy Tengrinews.kz.
Jýyrda Balqash qalalyq ishki ister bólimine kól jaǵasynan er adamnyń máiiti tabylǵany týraly habarlama kelip tústi. Marqumdy jaqyn mańdaǵylar taýyp alǵan. Mán-jaidy anyqtaǵan soń, marqumnyń ótken jyldyń 24 qarashasynda joǵalyp ketken 51 jastaǵy Bolat Diýsembaev ekeni belgili boldy. Er adamnyń týystary onyń joǵalyp ketkeni týraly buryn politsiiaǵa habarlasqan. Olar er adamnyń balyq aýlaýǵa ketkenin jáne oralmaǵanyn aitqan.
"Joǵalǵany týraly aryz túskennen keiin jedel-izdestirý sharalary bastaldy. Kóldiń jaǵasynda onyń jeke zattary tabyldy. Alaida kólge muz qatqandyqtan qutqarýshylar kóldi teksere almady", - dep habarlady Qaraǵandy oblysy PD baspasóz qyzmeti.
Vedomstvoda jaǵadan tabylǵan er adamnyń qarasha aiynda joǵalyp ketken balqashtyq ekenin rastady. Baspasóz qyzmeti máiitte zorlyq-zombylyq belgileri joq ekenin atap ótti.
