Balqashta «Saryarqanyń kóshpeli mádenieti» oblystyq festivali ótti. Is-shara alǵash ret uiymdastyrylyp otyr jáne Qaraǵandy oblysynyń barlyq óńirlerin qamtidy, dep habarlaidy QazAqparat.
Festival uiymdastyrýshylary – oblystyq bos ýaqyt jáne halyq shyǵarmashylyǵynyń ǵylymi-ádistemelik ortalyǵy jáne mádeniet, muraǵattar jáne qujattama basqarmasy qazaq halqynyń mádenietin shyǵarmashylyq, mýzyka, qolóner, oiyn jáne sport arqyly kórsetýdi maqsat etedi.
«Sharaǵa orai M. Hamzin atyndaǵy Balqash mádeniet saraiy ulttyq naqyshta bezendirildi. Kelýshiler nazaryna «Sheberler qalasy» halyq qolónershileriniń ekspozitsiiasy usynyldy. Munda kiiz kilemderdi, tekemetterdi, zergerlik buiymdardy, ulttyq kostiýmderdi jáne t. b. kórýge bolady. Sondai-aq ulttyq taǵamdar kórmesi ótti. Jergilikti sportshylar qazaq kúresi, asyq atý jáne toǵyzqumalaq ulttyq sport túrlerinen óz sheberlikterin kórsetti», - dep málimdedi Balqash qalasy ákimdiginde.
Qazylar alqasy balqashtyqtardyń shyǵarmashylyq daryndaryn da baǵalady.
«Saiyn dalam – Saryarqa» teatrlandyrylǵan qoiylymyna ánshiler men aityskerler qatysty.
Qyrkúiek aiynda «Saryarqanyń kóshpeli mádenieti» Osakarov, Buqar jyraý, Nura, Abai aýdandarynda, sondai-aq Qaraǵandy men Temirtaýda ótedi.
Festival aiaqtalǵannan keiin úzdik sheberler men oryndaýshylar jeltoqsan aiynda oblys ortalyǵynda ótetin gala-kontsertte óz ónerlerin kórsetedi.
