بالقاشتا «سارىارقانىڭ كٶشپەلٸ مەدەنيەتٸ» وبلىستىق فەستيۆالٸ ٶتتٸ. ٸس-شارا العاش رەت ۇيىمداستىرىلىپ وتىر جەنە قاراعاندى وبلىسىنىڭ بارلىق ٶڭٸرلەرٸن قامتيدى, دەپ حابارلايدى قازاقپارات.
فەستيۆال ۇيىمداستىرۋشىلارى – وبلىستىق بوس ۋاقىت جەنە حالىق شىعارماشىلىعىنىڭ عىلىمي-ەدٸستەمەلٸك ورتالىعى جەنە مەدەنيەت, مۇراعاتتار جەنە قۇجاتتاما باسقارماسى قازاق حالقىنىڭ مەدەنيەتٸن شىعارماشىلىق, مۋزىكا, قولٶنەر, ويىن جەنە سپورت ارقىلى كٶرسەتۋدٸ ماقسات ەتەدٸ.
«شاراعا وراي م. حامزين اتىنداعى بالقاش مەدەنيەت سارايى ۇلتتىق ناقىشتا بەزەندٸرٸلدٸ. كەلۋشٸلەر نازارىنا «شەبەرلەر قالاسى» حالىق قولٶنەرشٸلەرٸنٸڭ ەكسپوزيتسيياسى ۇسىنىلدى. مۇندا كيٸز كٸلەمدەردٸ, تەكەمەتتەردٸ, زەرگەرلٸك بۇيىمداردى, ۇلتتىق كوستيۋمدەردٸ جەنە ت. ب. كٶرۋگە بولادى. سونداي-اق ۇلتتىق تاعامدار كٶرمەسٸ ٶتتٸ. جەرگٸلٸكتٸ سپورتشىلار قازاق كٷرەسٸ, اسىق اتۋ جەنە توعىزقۇمالاق ۇلتتىق سپورت تٷرلەرٸنەن ٶز شەبەرلٸكتەرٸن كٶرسەتتٸ», - دەپ مەلٸمدەدٸ بالقاش قالاسى ەكٸمدٸگٸندە.
قازىلار القاسى بالقاشتىقتاردىڭ شىعارماشىلىق دارىندارىن دا باعالادى.
«سايىن دالام – سارىارقا» تەاترلاندىرىلعان قويىلىمىنا ەنشٸلەر مەن ايتىسكەرلەر قاتىستى.
قىركٷيەك ايىندا «سارىارقانىڭ كٶشپەلٸ مەدەنيەتٸ» وساكاروۆ, بۇقار جىراۋ, نۇرا, اباي اۋداندارىندا, سونداي-اق قاراعاندى مەن تەمٸرتاۋدا ٶتەدٸ.
فەستيۆال اياقتالعاننان كەيٸن ٷزدٸك شەبەرلەر مەن ورىنداۋشىلار جەلتوقسان ايىندا وبلىس ورتالىعىندا ٶتەتٸن گالا-كونتسەرتتە ٶز ٶنەرلەرٸن كٶرسەتەدٸ.
