IIM ókili qazaqstandyqtardy, onyń ishinde kámeletke tolmaǵandardy jezókshelikke tartý derekteri týraly aitty, - dep habarlaidy Tengrinews.kz tilshisi.
"Qaraǵandy oblysynda Balqash qalasynyń 22 jastaǵy turǵyny ustaldy. Ol úsh apta boiy aldaý jáne táýeldilik jaǵdaiyn paidalaný arqyly kámeletke tolmaǵan balany jezókshelikpen ainalysýǵa tartyp, jaldamaly páterlerde intimdik qyzmet kórsetý úshin klientterge ákelgen. Derek boiynsha Qylmystyq Kodekstiń 134-baby "Kámeletke tolmaǵandardy jezókshelikpen ainalysýǵa tartý" boiynsha qylmystyq is qozǵaldy", - dedi brifingte IIM Kriminaldyq politsiia departamenti bastyǵynyń orynbasary Qanat Nurmaǵambetov.
Onyń aitýynsha, jezókshelikpen ainalysýǵa tartýdyń bir deregi Atyraý oblysynda tirkelgen.
"Shymkent qalasynyń 27 jastaǵy turǵyny aldaý jáne qorqytý arqyly tórt ai boiy Túrkistan oblysynyń 22 jastaǵy turǵynyn jezókshelikpen ainalysýǵa tartqany anyqtaldy. Kúdikti onyń derekterin kórsetip internet-resýrstarda intimdik qyzmet kórsetý týraly habarlandyrý ornalastyrǵan. Derek boiynsha 308-babtyń 1-bóligi boiynsha qylmystyq is qozǵaldy", - dedi Nurmaǵambetov.
