Qyzylordada «Nur Otan» partiiasy «Temirjol» filialynyń uiymdastyrýymen «Baqytty balalyq shaq», «Kedergisiz keleshek» partiialyq jobalary aiasynda «Balǵyndardyń baqytty júzin kórý úlken qýanysh» atty taqyrypta «Ashyq esik kúni» ótti.
Ashyq esik kúni bolashaq temirjolshy bolǵysy kelgen balalardy temirjol mamandyǵyna baýlý jáne múmkindigi shekteýli balalar men múmkindigi shekteýli temirjolshylardyń balalarynyń arman tilekterin tyńdap qoldaý kórsetý maqsatynda uiymdastyryldy.
Sharaǵa kópbalaly jáne az qamsyzdandyrylǵan otbasylardyń jáne ózi de, ata-anasy da múmkindigi shekteýli balalar qatysty.
Sharada balǵyndar ekonomikanyń kúre tamyry bolyp sanalatyn Qyzylorda temirjolynyń tarihymen tanysyp, sodan keiin «Temirjol» partiia filialynyń tóraǵasy, oblystyq máslihat depýtaty Amankeldi Arysbaevtyń qabyldaýynda boldy.
«Bala – bizdiń bolashaǵymyz. Olardyń jarqyn da baqytty júzin kórý biz úshin úlken qýanysh. Sondyqtan múmkindigi shekteýli balǵyndardyń ómir súrý sapasyn jaqsartý maqsatynda atqarylatyn tirlik áli de jeterlik. Bul baǵytta «Nur Otan» partiiasy «Baqytty balalyq shaq», «Kedergisiz keleshek» jobalaryn tiimdi júzege asyryp keledi. Olarǵa jasalatyn árbir kómek esh ýaqytta tolastamaidy» dedi, kezdesý barysynda «Temirjol» partiia filialynyń tóraǵasy, oblystyq máslihat depýtaty A.Arysbaev.
Qabyldaý barysynda filial tóraǵasy múmkindigi shekteýli balalar jáne olardyń ata-analarymen ashyq sóilesip, týyndaǵan máselelerin ońtaily sheshilýine yqpal jasady.
Iaǵni Qyzylorda elektrmen jabdyqtaý distantsiiasynyń elektrmonteri, 7 balanyń ákesi Meraly Úmbetovtiń jubaiy búginde daýn syrqatymen dúniege kelgen balasymen úide otyrǵandyǵyn jáne jalǵyz joldasynyń tabysy balalarynyń as-aýqatynan aýyspaityndyǵyn aityp kómek suraǵan ananyń ótinishin oryndap balasyna qystyq kiim-keshek alyp berdi.
Qarjylai kómek suraǵan 6 balanyń anasy jolaýshylar vagondaryn jóndeý mekemesiniń jumysshy Janar Bijanovaǵa 20 myń teńge kóleminde qarjylai kómek kórsetti.
Ashyq esik kúnine buǵan deiin birneshe ret kómek alǵan jol bólimshesiniń aýla sypyrýshysy Talǵat Nurjanovtyń 20 jasar balasy Erkebulan da keldi. Ol jaqynda otbasyn qurypty. «Bolashaqqa umtylys uialatyp, múmkindigi shekteýli jandardyń múddesin kózdegen «Nur Otan» partiiasyna sheksiz rizamyn. Maǵan qashanda qoldaý kórsetip, ómirge degen qushtarlyǵymdy arttyryp, jigerimniń jarqyrai túsýine dem berdi. Sondyqtan men búgin arnaiy alǵysymdy aitýǵa jáne qýanyshty jańalyǵymmen bólisýge keldim», deidi ol.
Kezdesý barysynda Amankeldi Arysbaev Erkebulan men Symbatqa estelik syilyq tabystap, baqyt tiledi.
Ashyq esik kúni kelgen balalar men olardyń ata-analary «Nur Otan» partiiasy ujymyna alǵysyn bildirip, jumystaryna sáttilik tiledi.
Miýa BAINAZAROVA, Qyzylorda qalasy
.jpeg)