Parlamenttiń jetinshi shaqyrylymynyń jalpy otyrysynda májilis tóraǵasynyń orynbasarlary sailandy, dep habarlaidy "Ult aqparat".
Májilis tóraǵasy Nurlan Nyǵmatýlin májilis tóraǵasy orynbasary qyzmetine depýtat Balaiym Kesebaevany usyndy.
"Balaiym Kesebaeva – altynshy shaqyrylymnyń depýtaty bolǵan, tájiribesi mol bilikti zańger. Altynshy shaqyrylymda zańnama jáne sot-quqyqtyq komitetiniń múshesi boldy. Zań shyǵarý qyzmetine belsendi qatysyp, kásibi sheberligin kórsetti", - dedi Nyǵmatýlin.
Tóraǵanyń bul usynysyn májilis depýtattary biraýyzdan qoldady.
Sonymen qatar májilis tóraǵasynyń usynysymen Pavel Kazantsev májilis tóraǵasynyń orynbasary bolyp sailandy.
Aita keteiik, parlamenttiń jetinshi shaqyrylymynyń jalpy otyrysynda Nurlan Nyǵmatýlin májilis tóraǵasy bolyp sailandy.
Balaiym Kesebaeva jaily ne bilemiz?
Balaiym Týǵanqyzy Kesebaeva 1966 jyly týǵan.
Taldyqorǵan zań tehnikýmyn, ál-Farabi atyndaǵy Qazaq memlekettik ýniversitetin, Qorqyt ata atyndaǵy Qyzylorda memlekettik ýniversitetin bakalavr boiynsha bitirgen.
Qyzmet jolyn 1985 jyly Shymkent oblystyq atqarý komitetiniń ádilet bóliminde keńse meńgerýshisi bolyp bastady.
2016 jyly 24 naýryzda altynshy shaqyrylymda májilis depýtaty boldy, Nur Otan partiiasy tizimi boiynsha sailandy.
Turmys qurǵan, eki balasy bar.
Pavel Kazantsev týraly aqparat
Pavel Olegoviia Kazantsev 1960 jyldyń 22 naýryzynda Reseidiń Tomsk qalasynda týǵan.
1982 jyly Tselinograd injenerlik-qurylys institýtyn "avtomobilder jáne avtosharýashylyq" mamandyǵy boiynsha úzdik bitirgen. 1986 jyly Djerzinskii atyndaǵy KSRO MQK joǵary mektebin bitirdi.
Eńbek jolyn 1982 jyly Tselinograd oblysyndaǵy Qazaq SSR janyndaǵy kólik ministrliginiń aǵa injeneri bolyp bastaǵan. Kei jyldary Aqmola qalasy ákiminiń orynbasary boldy.
2003-2007 jyldary Nur-Sultan qalasy máslihatynyń depýtaty bolǵan. 2016 jyldan altynshy shaqyrylymda májilis depýtaty boldy.
Úilengen, eki balasy bar.
