Kúdikti áieldiń buryn Arys orta mektebinde «Qazaq tili men ádebieti» pániniń muǵalimi bolyp jumys istegeni belgili boldy, dep habarlaidy ult.kz.
«KTK» telearnasynyń málimetinshe, qaiǵyly oqiǵa saldarynan birneshe adam zardap shekken. Marqum áieldiń týystary soqqynyń óte qatty bolǵanyn aitady.
«Soqqynyń ekpini qatty boldy. Kelinim jol jiegindegi qora jaqqa ushyp ketken. Onyń eki jasar balasyn topyraq astynan áreń alyp shyqtyq. Kórshi kelinimizdiń bes jasar qyzy kóz jumdy. Ózi taǵy bir balasymen aýrýhanada jatyr», – dedi marqumnyń týysy Ǵani Aidarov.
Oqiǵa kýágerleriniń aitýynsha, kólik tizginindegi áiel apat kezinde mas kúide bolǵan. Bul aqparatty quzyrly organdar tekserip jatyr.
Qazirgi ýaqytta kúdikti eki ai merzimge qamaýǵa alyndy. Tergeý amaldary jalǵasýda.
