Constella, Damiani jáne LaPerla saýda markalary uiymdastyrǵan qos birdei aýktsionnan 25 100 000 teńge paida tústi. 6 jeltoqsanda Astanada jáne 8 jeltoqsanda Almatyda ótken osynaý sharalar «DARA» qorynyń bastamasymen júzege asyp otyr.
Aýktsionda saýdaǵa shyǵarylǵan lottardyń qatarynda tanymal metsenattar men óner juldyzdary usynǵan kartinalar da bar. Atap aitqanda, Janna Kan, Gúlnar Mergalieva jáne Erkesh Shakeev ózderine tiesili qundy jádigerlerin uiymdastyrýshylarǵa tegin syilady. Al, olardyń satylymynan túsken qarajatqa jańa balalar alańqailary salynatyn bolady.
Balalarǵa arnalǵan osynaý arnaiy alańqailardy salý ideiasy «DARA» qoryna tiesili. Olar kómekke muqtaj balalarǵa laiyqtalǵan. Iaǵni, damýynda tejeýi bar sábilerdiń oinap, tipti bilim alýyna deiin jaǵdai jasalǵan.
«Mundai alańqailar tek pandýspen shektelmeidi. Munda sondai-aq, ózdigimen qozǵala almaityn, kórý jáne estý qabiletteri damymaǵan balalarǵa da jaǵdailar qarastyrylǵan. Sonymen qatar, qarapaiym balalarǵa da oinai berýge bolady. Jalpy, salaýatty ómir saltyn qalyptastyrý úshin qajettiniń bári bar», — delingen «DARA» qorynyń baspasóz qyzmeti taratqan habarlamada.
Qazirgi tańda mundai alańqailar Qazaqstanda joqtyń qasy. Sondyqtan, densaýlyǵynda aqaýy bar balalar ýaqytynyń kóbin tórt qabyrǵanyń ishinde ótkizedi. Saldarynan olar qatarynan qalyp, oqshaýlanyp qalady. Bul óz kezeginde balanyń ári qarai damýyna úlken kedergisin tigizetini anyq.
sn.kz
.jpeg)