Foto: pixabay.com
Jambyl oblysynda eki balany óltirýge oqtalý faktisi boiynsha tergeý júrgizilip jatyr. Anasy olardy besinshi qabattyń terezesinen laqtyryp jibergen, dep habarlaidy Ult.kz HALYQSTAN tilshisine silteme jasap.
HALYQSTAN tilshisiniń habarlaýynsha, qaiǵyly oqiǵa Tóle bi dańǵyly boiyndaǵy jataqhanalardyń birinde bolǵan. Tergeý derekterine súiensek, 36 jastaǵy áiel óz úiinde bola tura, 2021 jyly týǵan qyzyn jáne 2023 jyly týǵan ulyn ádeii terezeden laqtyryp jibergen.
Eki bala da tiri qalyp, shuǵyl túrde Jambyl oblystyq kópsalaly balalar aýrýhanasyna jetkizilgen. Dárigerler olarǵa politravma diagnozyn qoiǵan. Qazirgi tańda balalar jansaqtaý bóliminde jatyr.
HALYQSTAN tilshisi anyqtaǵandai, oqiǵadan az ýaqyt buryn áiel men onyń kúieýi arasynda janjal bolǵan. Qaqtyǵystan keiin er adam úiden shyǵyp ketken.
Sońǵy jyldary áiel qatty bas aýrýynan zardap shegip júrgeni belgili boldy. Janjaldan keiin, qatty emotsiialyq kúizelis jaǵdaiynda bolǵan áiel aldymen qyzyn, keiin ulyn terezeden laqtyryp jibergen. Ózi de olardyń artynan sekirmek bolǵan, alaida sońǵy sátte raiynan qaitqan.
Eki jas balany óltirýge oqtalý faktisi boiynsha Qylmystyq kodekstiń 99-baby 3-bóligimen qylmystyq is qozǵaldy. Áiel ustalyp, ýaqytsha ustaý izoliatoryna qamaldy.
Sondai-aq kúdiktiniń jubaiy buryn psihiatriialyq esepte turǵan degen aqparat bar.
