Sýretterdi usynǵan Alina Golovleva
Stop-moýshn-animatsiia stýdiiasynyń negizin qalaýshy, Kiev turǵyny Alina Golovleva Tengrinews.kz tilshisine bergen suhbatynda Ýkraina astanasyndaǵy qazirgi jaǵdai týraly aitty.
Qyzdyń aitýynsha, onyń otbasy avtoturaqta túneýge májbúr bolǵan.
"Keshe, 24 aqpanda jarylys dybysyn estidik. Jaǵdaidy tańerteń saǵat 6-da jańalyqtardan kórdik. Bastapqyda abdyrap qaldyq. Qaida baratynymyz belgisiz. Neni jinaqtaý kerek, ne alý kerek, qansha ýaqytqa, bári belgisiz boldy", - dedi ol.
Biraz ýaqyt ótken soń ol kúieýi men qyzy úsheýi dostaryna barýdy uiǵarǵan.
"Osy kezde úi mańynda alǵashqy ushaqtar paida boldy. Qorqynyshty, qatty dybystar shyǵyp turdy. Sál kútip, keiin dostarymyzǵa shyǵyp kettik. Biraq olarǵa jetkenshe shabýyl órship, birden qaityp keldik. Adamdar kóp boldy, biraq qansha ekenin aitý qiyn. Biz avtoturaqta otyrdyq, ol jaqta sýyq. Úilerine qaitqandar azdan soń oralyp jatty. Tańerteń Pozniakov aýdanynda kúshti jarylystar bolyp, bári qaityp keldi. Dúkender men dárihanalar týraly eshteńe bilmeimiz, eshkimniń shyǵýǵa batyly barmaidy", - dedi Alina.
Kúndiz otbasy úilerine qaitýdy uiǵarǵan, biraq áýe shabýyly týraly dabyl qosylǵan saiyn, kópshilik jer astyndaǵy turaqqa oralýǵa májbúr.
"Sýyqtan ábden sharshadyq. Búgin taǵy qiyn kún bolady dep jatyr, biraz demalyp, qaitadan turaqqa qaitatyn shyǵarmyz. Sol jerde túneimiz", - dedi ol.
Turǵyndar eski jihazdar men tósekterdi kólik turaǵyna alyp shyqqan.
Balalar moinyna aty-jóni, týǵan kúni, ata-anasynyń bailanys derekteri jazylǵan belgi taǵyp júr.
