سۋرەتتەردٸ ۇسىنعان الينا گولوۆلەۆا
ستوپ-موۋشن-انيماتسييا ستۋديياسىنىڭ نەگٸزٸن قالاۋشى, كيەۆ تۇرعىنى الينا گولوۆلەۆا Tengrinews.kz تٸلشٸسٸنە بەرگەن سۇحباتىندا ۋكراينا استاناسىنداعى قازٸرگٸ جاعداي تۋرالى ايتتى.
قىزدىڭ ايتۋىنشا, ونىڭ وتباسى اۆتوتۇراقتا تٷنەۋگە مەجبٷر بولعان.
"كەشە, 24 اقپاندا جارىلىس دىبىسىن ەستٸدٸك. جاعدايدى تاڭەرتەڭ ساعات 6-دا جاڭالىقتاردان كٶردٸك. باستاپقىدا ابدىراپ قالدىق. قايدا باراتىنىمىز بەلگٸسٸز. نەنٸ جيناقتاۋ كەرەك, نە الۋ كەرەك, قانشا ۋاقىتقا, بەرٸ بەلگٸسٸز بولدى", - دەدٸ ول.
بٸراز ۋاقىت ٶتكەن سوڭ ول كٷيەۋٸ مەن قىزى ٷشەۋٸ دوستارىنا بارۋدى ۇيعارعان.
"وسى كەزدە ٷي ماڭىندا العاشقى ۇشاقتار پايدا بولدى. قورقىنىشتى, قاتتى دىبىستار شىعىپ تۇردى. سەل كٷتٸپ, كەيٸن دوستارىمىزعا شىعىپ كەتتٸك. بٸراق ولارعا جەتكەنشە شابۋىل ٶرشٸپ, بٸردەن قايتىپ كەلدٸك. ادامدار كٶپ بولدى, بٸراق قانشا ەكەنٸن ايتۋ قيىن. بٸز اۆتوتۇراقتا وتىردىق, ول جاقتا سۋىق. ٷيلەرٸنە قايتقاندار ازدان سوڭ ورالىپ جاتتى. تاڭەرتەڭ پوزنياكوۆ اۋدانىندا كٷشتٸ جارىلىستار بولىپ, بەرٸ قايتىپ كەلدٸ. دٷكەندەر مەن دەرٸحانالار تۋرالى ەشتەڭە بٸلمەيمٸز, ەشكٸمنٸڭ شىعۋعا باتىلى بارمايدى", - دەدٸ الينا.
كٷندٸز وتباسى ٷيلەرٸنە قايتۋدى ۇيعارعان, بٸراق ەۋە شابۋىلى تۋرالى دابىل قوسىلعان سايىن, كٶپشٸلٸك جەر استىنداعى تۇراققا ورالۋعا مەجبٷر.
"سۋىقتان ەبدەن شارشادىق. بٷگٸن تاعى قيىن كٷن بولادى دەپ جاتىر, بٸراز دەمالىپ, قايتادان تۇراققا قايتاتىن شىعارمىز. سول جەردە تٷنەيمٸز", - دەدٸ ول.
تۇرعىندار ەسكٸ جيھازدار مەن تٶسەكتەردٸ كٶلٸك تۇراعىنا الىپ شىققان.
بالالار موينىنا اتى-جٶنٸ, تۋعان كٷنٸ, اتا-اناسىنىڭ بايلانىس دەرەكتەرٸ جازىلعان بەلگٸ تاعىپ جٷر.
