Almaty oblysynda bes jasar balanyń óli denesi qoqysta qalai paida bolǵany anyqtaldy. Qazir qaitys bolǵan balanyń 20 jastaǵy anasy men onyń 2001 jylǵy aǵasy politsiiaǵa jaýap berip jatyr, dep habarlaidy QazAqparat agenttigi.
Qaitys bolǵan balanyń naǵashy aǵasy kishkentaidy molaǵa jerlemek bolǵan. Olardyń anasy da qaitys bolǵan eken. Sózinshe, anasy jerlengen ziratqa bara jatyp, jardy kórip, balanyń múrdesin sol jerge tastap ketken.
«Aǵasy máiitti qoqys alańyna tastap ketken sebebin túsindirdi. Aitýynsha, deneni molaǵa apara jatqan. Tún ýaqyty bolǵan. "Tún bolǵan soń ári qarai júrýge qoryqtym" deidi. Ishinde bireý kórip qoia ma degen úrei bolǵanyn aitady. Sol sebepti baladan tezirek qutylýdy oilaǵan. «Úlken jardy kórdim, sol jerge tastap kettim» deidi. Sózine sensek, bala aiy-kúni jetpei, tolyq jetilmei týǵan. Sol oqiǵanyń aldynda kishkentai úsh kún boiy aýyrǵan. Biraq anasy da, aǵasy da eshqaida habarlamaǵan. Úsh kún aýyrsa da, balanyń aýyrǵanyn eshkimge aitpai, balanyń qaitys bolǵanyn kútip jatqandai bolǵan», - dedi Sarqan aýdany prokýrorynyń orynbasary Edil Qorǵanbaev.
Anasynyń sózinshe, ol qyzyn óltirmegen. Bala aýyryp qaitys bolǵan.
Biraq politsiiaǵa balasynyń múrdesi qoqysqa tastalǵanyn bilmedim dep jaýap beripti.
Ózi turmys qurmaǵan. Jaqynda ekinshi balasyn bosanypty. Bes ailyq balasy bar 20 jasar jas ananyń óz ata-anasy da marqum bolǵan.
Esterińizge salsaq, 18 mamyr kúni Almaty oblysy Sarqan aýdanynda bes jasar balanyń máiiti qoqystan tabylǵanyn habarlaǵan bolatynbyz.
Quzyrly organnyń aqparatyna sáikes, búgin 19 mamyr kúni balanyń anasy anyqtaldy. Ol - 2002 jyly týǵan Sarqan qalasynyń turǵyny.
Balasyn 2017 jyly iaǵni, 15 jasynda dúniege ákelgen. Tergeý júrip jatyr.
