الماتى وبلىسىندا بەس جاسار بالانىڭ ٶلٸ دەنەسٸ قوقىستا قالاي پايدا بولعانى انىقتالدى. قازٸر قايتىس بولعان بالانىڭ 20 جاستاعى اناسى مەن ونىڭ 2001 جىلعى اعاسى پوليتسيياعا جاۋاپ بەرٸپ جاتىر, دەپ حابارلايدى قازاقپارات اگەنتتٸگٸ.
قايتىس بولعان بالانىڭ ناعاشى اعاسى كٸشكەنتايدى مولاعا جەرلەمەك بولعان. ولاردىڭ اناسى دا قايتىس بولعان ەكەن. سٶزٸنشە, اناسى جەرلەنگەن زيراتقا بارا جاتىپ, جاردى كٶرٸپ, بالانىڭ مٷردەسٸن سول جەرگە تاستاپ كەتكەن.
«اعاسى مەيٸتتٸ قوقىس الاڭىنا تاستاپ كەتكەن سەبەبٸن تٷسٸندٸردٸ. ايتۋىنشا, دەنەنٸ مولاعا اپارا جاتقان. تٷن ۋاقىتى بولعان. "تٷن بولعان سوڭ ەرٸ قاراي جٷرۋگە قورىقتىم" دەيدٸ. ٸشٸندە بٸرەۋ كٶرٸپ قويا ما دەگەن ٷرەي بولعانىن ايتادى. سول سەبەپتٸ بالادان تەزٸرەك قۇتىلۋدى ويلاعان. «ٷلكەن جاردى كٶردٸم, سول جەرگە تاستاپ كەتتٸم» دەيدٸ. سٶزٸنە سەنسەك, بالا ايى-كٷنٸ جەتپەي, تولىق جەتٸلمەي تۋعان. سول وقيعانىڭ الدىندا كٸشكەنتاي ٷش كٷن بويى اۋىرعان. بٸراق اناسى دا, اعاسى دا ەشقايدا حابارلاماعان. ٷش كٷن اۋىرسا دا, بالانىڭ اۋىرعانىن ەشكٸمگە ايتپاي, بالانىڭ قايتىس بولعانىن كٷتٸپ جاتقانداي بولعان», - دەدٸ سارقان اۋدانى پروكۋرورىنىڭ ورىنباسارى ەدٸل قورعانباەۆ.
اناسىنىڭ سٶزٸنشە, ول قىزىن ٶلتٸرمەگەن. بالا اۋىرىپ قايتىس بولعان.
بٸراق پوليتسيياعا بالاسىنىڭ مٷردەسٸ قوقىسقا تاستالعانىن بٸلمەدٸم دەپ جاۋاپ بەرٸپتٸ.
ٶزٸ تۇرمىس قۇرماعان. جاقىندا ەكٸنشٸ بالاسىن بوسانىپتى. بەس ايلىق بالاسى بار 20 جاسار جاس انانىڭ ٶز اتا-اناسى دا مارقۇم بولعان.
ەستەرٸڭٸزگە سالساق, 18 مامىر كٷنٸ الماتى وبلىسى سارقان اۋدانىندا بەس جاسار بالانىڭ مەيٸتٸ قوقىستان تابىلعانىن حابارلاعان بولاتىنبىز.
قۇزىرلى ورگاننىڭ اقپاراتىنا سەيكەس, بٷگٸن 19 مامىر كٷنٸ بالانىڭ اناسى انىقتالدى. ول - 2002 جىلى تۋعان سارقان قالاسىنىڭ تۇرعىنى.
بالاسىن 2017 جىلى ياعني, 15 جاسىندا دٷنيەگە ەكەلگەن. تەرگەۋ جٷرٸپ جاتىر.
