Foto: ashyq derekkóz
Shyǵys Qazaqstan oblysynda balabaqsha qarjysyn jymqyrý deregi áshkerelendi. Úlken Naryn aýdanynyń prokýratýrasy júrgizgen tekserý barysynda «Malonarym aýylynyń balabaqsha-bóbekjaiy» kommýnaldyq memlekettik qazynalyq kásipornynda iri kólemdegi zańbuzýshylyqtar anyqtaldy, dep habarlaidy Ult.kz.
Belgili bolǵandai, mekemeniń esepshisi úsh jyl boiy óziniń jáne balabaqsha meńgerýshisiniń shottaryna negizsiz túrde artyq jalaqy aýdaryp kelgen. Sonymen qatar salyqtar men mindetti tólemderge arnalǵan qarajat ta jeke shottarǵa baǵyttalǵan.
Saldarynan bilim berý uiymynyń 18 qyzmetkeri uzaq ýaqyt boiy zańda kózdelgen jeke tabys salyǵy, mindetti zeinetaqy jarnalary men áleýmettik aýdarymdardan qaǵylǵan.
Jalpy esep boiynsha, balabaqsha basshylyǵy men esepshisiniń shottaryna 42 million teńgeden astam qarjy zańsyz aýdarylǵan.
Atalǵan derekke bailanysty aýdan prokýratýrasy sotqa deiingi tergep-tekserý amaldaryn bastady. Qylmystyq-protsestik kodekstiń 201-babyna sáikes, ózge málimetter tergeý múddesine orai jariia etilmeidi.
Aita keteiik, buǵan deiin Jambyl oblysynda da 108 million teńge biýdjet qarajatyn jymqyrý faktisi tirkelgen bolatyn.
