Elordadaǵy balabaqshalardyń birinde tárbieshi bolyp jumys isteitin 26 jastaǵy qyz áriptesin aldaý arqyly atyna 4 ret nesie resimdegen. Bul týraly "Ult aqparat" Nur-Sultan qalasy politsiia departamentiniń baspasóz qyzmetine silteme jasap habarlaidy.
Tergeý barysynda 26 jastaǵy qyz óz áriptesiniń atyna mikrokredittik uiymdardan 4 ret qaryz resimdep, onyń bank kartasynyń nómirin kórsetkeni belgili boldy. Ol óz kartasy buǵattalǵandyqtan, aqshasyn ala almai júrgenin aityp, áriptesine bank kartasyndaǵy derekterdi aitýǵa kóndiredi. Karta iesi shotqa kelip túsken nesieni jai ǵana aýdarym eken degen oimen qyzǵa sheship berip otyrǵan.
«Tergeý barysynda kúdiktiniń qylmysty aldyn ala josparlaǵany anyqtaldy. Áriptesiniń jeke bas derekterin sómkesindegi qujattardy sýretke túsirý arqyly alyp otyrǵan. Qazir kúdiktiniń ústinen «Alaiaqtyq» baby boiynsha qylmystyq is qozǵaldy. Aita ketý kerek, qyz buryn osyndai qylmys úshin qylmystyq jaýapkershilikke tartylǵan», - delingen departamenttiń málimetinde.
