Tanymal ánshi Altynai Jorabaeva ekinshi qyzy Ainarany uzatyp, áleýmettik jelide júrek tebirenter jazba jariialady, dep habarlaidy ult.kz.
Óner iesi qyzynyń bala kúnin eske alyp, ómirindegi eń tolqynysty sátterdiń birimen bólisti.
«Qyzym, keshe ǵana kishkentai alaqanyńmen meniń saýsaǵymnan ustap, alǵashqy qadamyńdy jasaǵan ediń. Búgin sol qolyńdy ómirlik jaryńa ustatyp turmyn…», – dep jazdy ánshi.
Altynai Jorabaeva qyzyna otbasy qundylyqtaryn saqtaý jóninde aq tilegin arnap, baqyttyń materialdyq dúniede emes, januianyń birligi men syilastyǵynda ekenin atap ótti.
«Esińde bolsyn, bailyq – dúniede emes, otbasynyń birliginde. Baqyt – saltanatta emes, syilastyq pen súiispenshilikte. Shańyraǵyńnan kúlki ketpesin, dastarhanyńnan bereke úzilmesin. Barǵan jerińde baǵyń jansyn. Joldasyń ekeýiń bir-birińe pana, bir-birińe jumaq bolyńdar», – dep aq batasyn berdi.
Altynai Jorabaevanyń shashbaýyn kóterip, ulan asyr toiǵa óner iesiniń 400-ge jýyq janashyry qatysty. Ónerpazdar toiǵa án shashý arnap, Altynai Jorabaevanyń boijetkenderi birinen biri ótken aqyldy, sulý, inabatty ekenin tilge tiek etti.
Alaida toidy onlain kórgen kórermender aitýly merekege ánshiniń birinshi jubaiy Sábit Ábdihalyqovtyń da, ekinshi jubaiy Alisher myrzanyń da qatyspaǵanyn tilge tiek etti.
«Bala degen anaǵa kerek eken tek qana», «Sábitti qoishy, ol ketken adam. Myna Alisher nege turmadyń qasynda qaqpaqtai bolyp? Baýyr berý ońai emes, arine, biraq arty toi bolsyn dep Altynaidy jalǵyz turǵyzbaýyń kerek edi dál osy kezde». «Ne jaǵdai bolsa da, arada qandai renish bolsa da papasy kelýi kerek edi qyzy úshin», - dep jazdy oqyrmandar.
