تانىمال ەنشٸ التىناي جوراباەۆا ەكٸنشٸ قىزى اينارانى ۇزاتىپ, ەلەۋمەتتٸك جەلٸدە جٷرەك تەبٸرەنتەر جازبا جارييالادى, دەپ حابارلايدى ult.kz.
ٶنەر يەسٸ قىزىنىڭ بالا كٷنٸن ەسكە الىپ, ٶمٸرٸندەگٸ ەڭ تولقىنىستى سەتتەردٸڭ بٸرٸمەن بٶلٸستٸ.
«قىزىم, كەشە عانا كٸشكەنتاي الاقانىڭمەن مەنٸڭ ساۋساعىمنان ۇستاپ, العاشقى قادامىڭدى جاساعان ەدٸڭ. بٷگٸن سول قولىڭدى ٶمٸرلٸك جارىڭا ۇستاتىپ تۇرمىن…», – دەپ جازدى ەنشٸ.
التىناي جوراباەۆا قىزىنا وتباسى قۇندىلىقتارىن ساقتاۋ جٶنٸندە اق تٸلەگٸن ارناپ, باقىتتىڭ ماتەريالدىق دٷنيەدە ەمەس, جانۇيانىڭ بٸرلٸگٸ مەن سىيلاستىعىندا ەكەنٸن اتاپ ٶتتٸ.
«ەسٸڭدە بولسىن, بايلىق – دٷنيەدە ەمەس, وتباسىنىڭ بٸرلٸگٸندە. باقىت – سالتاناتتا ەمەس, سىيلاستىق پەن سٷيٸسپەنشٸلٸكتە. شاڭىراعىڭنان كٷلكٸ كەتپەسٸن, داستارحانىڭنان بەرەكە ٷزٸلمەسٸن. بارعان جەرٸڭدە باعىڭ جانسىن. جولداسىڭ ەكەۋٸڭ بٸر-بٸرٸڭە پانا, بٸر-بٸرٸڭە جۇماق بولىڭدار», – دەپ اق باتاسىن بەردٸ.
التىناي جوراباەۆانىڭ شاشباۋىن كٶتەرٸپ, ۇلان اسىر تويعا ٶنەر يەسٸنٸڭ 400-گە جۋىق جاناشىرى قاتىستى. ٶنەرپازدار تويعا ەن شاشۋ ارناپ, التىناي جوراباەۆانىڭ بويجەتكەندەرٸ بٸرٸنەن بٸرٸ ٶتكەن اقىلدى, سۇلۋ, يناباتتى ەكەنٸن تٸلگە تيەك ەتتٸ.
الايدا تويدى ونلاين كٶرگەن كٶرەرمەندەر ايتۋلى مەرەكەگە ەنشٸنٸڭ بٸرٸنشٸ جۇبايى سەبيت ەبدٸحالىقوۆتىڭ دا, ەكٸنشٸ جۇبايى اليشەر مىرزانىڭ دا قاتىسپاعانىن تٸلگە تيەك ەتتٸ.
«بالا دەگەن اناعا كەرەك ەكەن تەك قانا», «سەبيتتٸ قويشى, ول كەتكەن ادام. مىنا اليشەر نەگە تۇرمادىڭ قاسىندا قاقپاقتاي بولىپ? باۋىر بەرۋ وڭاي ەمەس, ارينە, بٸراق ارتى توي بولسىن دەپ التىنايدى جالعىز تۇرعىزباۋىڭ كەرەك ەدٸ دەل وسى كەزدە». «نە جاعداي بولسا دا, ارادا قانداي رەنٸش بولسا دا پاپاسى كەلۋٸ كەرەك ەدٸ قىزى ٷشٸن», - دەپ جازدى وقىرماندار.
