© Photo: EEK baspasóz qyzmeti
Búgin Baqytjan Saǵyntaev Eýraziialyq ekonomikalyq komissiia alqasynyń tóraǵasy qyzmetine kiristi, dep habarlaidy Sputnik Qazaqstan EEK baspasóz qyzmetine silteme jasap.
Saǵyntaev 2022 jylǵy 1 maýsymnan bastap Eýraziialyq ekonomikalyq komissiianyń ekonomika jáne qarjy saiasaty jónindegi alqa múshesi (ministr) bolyp jumys istedi.
Buǵan deiin Qazaqstanda birqatar joǵary memlekettik laýazymdy atqarǵan, onyń ishinde Premer-ministr jáne Almaty ákimi bolǵan.
Aita keteiik, Eýraziialyq ekonomikalyq odaq týraly shartqa sáikes EEK alqasynyń tóraǵasyn joǵary keńes rotatsiialyq negizde tórt jyl merzimge taǵaiyndaidy. Rotatsiia EAEO-ǵa múshe memleketterdiń ataýy boiynsha orys álipbiiniń tártibimen kezekpen júzege asyrylady.
Búginnen bastap Eýraziialyq ekonomikalyq komissiia alqasynyń jańa quramy jumysyna kiristi.
EEK Alqasynyń músheleri (ministrleri) :
EEK ónerkásip jáne agroónerkásiptik keshen ministri Goar Barsegian;
EEK ishki naryqtar, aqparattandyrý, aqparattyq-kommýnikatsiialyq tehnologiialar ministri Varos Simonian;
EEK básekelestik jáne monopoliiaǵa qarsy retteý ministri Maksim Ermoluly;
EEK Tehnikalyq retteý ministri Valentin Tataritskii;
EEK ekonomika jáne qarjy saiasaty ministri Baqyt Sultanov;
EEK keden yntymaqtastyǵy ministri Eldar Álisherov;
EEK energetika jáne infraqurylym ministri Arzybek Qojoshev;
EEK integratsiia jáne makroekonomika ministri Sergei Glazev;
EEK saýda ministri Andrei Slepnev.
Foto: eec.eaeunion.org
