"QR Premer-Ministri Baqytjan Saǵyntaev Úkimet otyrysy barysynda 28-shi Búkilálemdik qysqy Ýniversiadany ótkizý qarsańynda jaýapty memlekettik organdar men vedomstvolarǵa birqatar tapsyrmalar berdi", - dep habarlaidy "Ult aqparat".
Premer-Ministr Ýniversiadaǵa ázirliktiń sońǵy kezeńi júrip jatqanyn jáne osyǵan bailanysty uiymdastyrýshylyq jáne qaýipsizdikti qamtamasyz etý máselelerine erekshe nazar aýdarý qajet ekenin atap ótti.
Almaty ákimdigine Investitsiialar jáne damý ministrligimen jáne basqa da múddeli memlekettik organdarmen birlese otyryp qaýipsizdik talaptary men standarttaryna sáikes Ýniversiadanyń jańa nysandarynyń jumysy men kólik logistikasynyń barlyq máselelerin egjeili-tegjeili pysyqtaý máselesi taǵy bir tapsyryldy.
Ishki ister ministrligine adamdar kóptep jinalatyn nysandarda, qonaq úilerde, sondai-aq basqa da qoǵamdyq oryndar men qala kólikterinde órt qaýipsizdigi jaǵdaiyna baqylaýdy kúsheitý tapsyryldy.
«Jalpy, IIM qoǵamdyq tártiptiń saqtalýyn qamtamasyz etý boiynsha barlyq máselelerdi pysyqtaýdy tapsyramyn», - dedi B. Saǵyntaev.
Sonymen qatar, Aqparat jáne kommýnikatsiialar ministrligine aqparattyq-imidjdik jumystarǵa erekshe nazar aýdarý tapsyryldy. Bul jarystardy, jańalyqtar bloktaryn transliatsiialaýǵa da, jýrnalisterdiń jumysyn qamtamasyz etýge de qatysty.
QR Densaýlyq saqtaý jáne áleýmettik damý ministrligine Ýniversiada kezinde meditsinalyq qyzmet kórsetýdi turaqty baqylaýda ustaý tapsyryldy.
«Barlyq ministrlikter men vedomstvolardyń basshylarynan at salysyp, qajetti kómekti kórsetýlerin suraimyn», - dep naqtylady B. Saǵyntaev.
.jpeg)