QR Premer-Ministri Baqytjan Saǵyntaev Shyǵys Qazaqstan oblysyna jumys sapary aiasynda Semei qalasynyń jurtshylyǵymen kezdesý ótkizdi. Kezdesý barysynda óńirdiń áleýmettik-ekonomikalyq damýynyń ózekti máseleleri talqylandy, - dep habarlaidy "Ult aqparat" Úkimet basshysynyń baspasóz qyzmetine silteme jasap.
Baqytjan Saǵyntaev kezdesý qatysýshylaryna elimizde júrgizilip jatqan Konstitýtsiialyq reformalardyń mánin túsindirip, Úkimettiń QR Prezidentiniń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyn iske asyrý boiynsha atqaryp jatqan jumystary týraly aitty.
QR Premer-Ministri ekonomikalyq ósimniń jańa úlgisin qalyptastyrý úshin Úkimet óz jumysyn 5 mańyzdy basymdyqqa jumyldyratynyn aitty, sonyń ishinde - jappai kásipkerlikti damytý, óndiristik jumyspen qamtýdy arttyrý, tehnologiialyq jańartý jáne ekonomikany tsifrlandyrý, qarjylyq turaqtylyqpen qamtamasyz etý jáne salalyq baǵdarlamalardy iske asyrý bar.
Kezdesý qatysýshylary óńirdiń ózekti máselelerin talqylap, ShQO-nyń odan ári áleýmettik-ekonomikalyq damýy jónindegi óz usynystaryn aitty.
Keńes barysynda turǵyn-úi qurylysy, aýyl sharýashylyǵyn damytý, densaýlyq saqtaý salasyna memlekettik qoldaý kórsetý, kásibi-tehnikalyq bilim berýdi damytý jáne bilim berýdiń úshtildilik júiesin engizý máseleleri qozǵaldy.
Jalpy, qala jurtshylyǵy júrgizilip jatqan Konstitýtsiialyq reforma men QR Prezidentiniń Joldaýynda atalǵan mindetterge qoldaý kórsetetinderin bildirdi.
Jurtshylyqpen kezdesý aiasynda Semei qalasynyń ákimi Ermak Sálimov, qalalyq ardagerler keńesiniń tóraǵasy Amantai Doǵalaqov, «Sát trans» JShS direktory Nurlan Baibekov, elektr tehnikalyq kolledjiniń direktory Azat Sarpekov, Semei q. №7 mektep-litseiiniń aǵylshyn tili muǵalimi Marina Ýstiýjaninova, «Qazaq tili» halyqaralyq qoǵamynyń vitse-prezidenti Oral Sháripbaev, qalalyq ardagerler keńesiniń músheleri Nasen Sembaev pen Dúisen Sultanov sóz sóiledi.
Kezdesý qorytyndysy boiynsha QR Premer-Ministri Baqytjan Saǵyntaev oblys pen qala basshylyǵyna óńirdi odan ári áleýmettik-ekonomikalyq damytý máseleleri jóninde birqatar naqty tapsyrmalar berdi.
.jpeg)