Memleket basshysynyń tapsyrmasymen Qazaqstan Premer-Ministri elimizdiń óńirlerin jumys saparymen aralap júr, dep habarlaidy primeminister.kz.
Búgin Baqytjan Saǵyntaev Pavlodar oblysyna keldi, onda oblys jurtshylyǵymen jáne aktivimen ótetin kezdesýler barysynda óńirde ónerkásipti, shaǵyn jáne orta biznesti odan ári damytý, sondai-aq bilim berý jáne densaýlyq saqtaý salalaryndaǵy qyzmetterdiń sapasyn arttyrý sharalary men ózekti máseleler talqylanady.
Sonymen qatar, sapar barysynda birqatar áleýmettik jáne ónerkásiptik infraqurylym nysandaryn aralaý kózdelgen. Premer-Ministr olardyń mysalynda Prezidenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» joldaýlary, «Bes áleýmettik bastamasy», sondai-aq, memlekettik jáne salalyq baǵdarlamalar aiasynda alǵa qoiǵan mindetteriniń oryndalý barysymen tanysady.
Jalpy óńir boiynsha jumys sapary Ekibastuz qalasynan bastaldy. Munda Premer-Ministr «Eýroaziattyq energetikalyq korporatsiia» AQ (ERG) quramyna kiretin «Vostochnyi» kómir razrezin aralaý barysynda óńirdiń 2018/19 jj. jylytý maýsymyna daiyndyǵymen tanysty.
Oblys ákiminiń birinshi orynbasary U. Jazylbek osy jyldyń jeti aiynyń qorytyndysy boiynsha kómir óndirý kóleminiń 3,5%-ǵa óskeni baiqalatynyn aitty. Búgingi tańda oblys turǵyndarynyń qajettilikterine jumsalatyn kómir qory shamamen 120 000 tonnany quraidy. Oblystyń qalalary men aýdandarynyń otyn bazalarynda halyqqa arnalǵan shamamen 18 000 tonna kómir bar. Qazirgi tańda oblysta kómir tapshylyǵy baiqalmaidy, kómir - erkin satylymda. Halyqqa kómir jetkizýmen 300-den astam jeke kásipker ainalysady. Jetkizý alshaqtyǵyna, túrine jáne surypyna qarai kómirdiń bólshek quny bir tonnasyna 6700 teńgeden 17000 teńgege deiin, sonyń ishinde tasty túri tonnasyna 6700-10 500 tg aralyǵynda jáne qońyr kómir 11 500-17 000 teńgege deiingi aralyqta satylady.
Áleýmettik salanyń qazandyq nysandaryna qalalar men aýdandardyń ákimdikteriniń biýdjetterinde 183,3 myń tonna kóleminde qatty otyndy satyp alýǵa 1,376 mlrd teńge somasynda qarajat qarastyrylǵan. Búgingi tańda tutyný oryndaryna 176 myń tonna jetkizildi. 20 ortalyq qazandyqqa 47,7 myń tonna kómir jetkizildi. Kómirdi jetkizý jumystary kestege sáikes oryndalyp jatyr.
Nysandy tekserý barysynda «Eýroaziattyq energetikalyq korporatsiia» AQ prezidenti V. Grinenko Qazaqstanda óndiriletin energetikalyq kómirdiń 20%-ǵa jýyǵy «Vostochnyi» kómir razreziniń úlesine tiesili ekenin jetkizdi. Munda álemdik tájiribede tuńǵysh ret shekteýli kóldeneń qýaty bar kómir qabattarynyń eńis jaiǵasýy kezinde ústińgi tehnologiialyq keshenge konveierlik kólikpen kómirdi óndirýdiń tolassyz tehnologiiasy jobalanyp, engizildi. Kómir óndirýmen qatar, ony tutynýshylarǵa jibergenge deiin ol óńdeýden ótedi.
Baqytjan Saǵyntaev óndiristik protsestiń tehnologiialyq jelisimen tanysyp, elimizde teńdesi joq jańa ónerkásiptik nysandy - jylyna 10 mln m3 arshyma taý jynystary qýatymen tsikldi-tolassyz arshyma taý jynystary kesheni jobasyn iske qosty. Ony paidalanýǵa berý eńbek ónimdiligin arttyrady, kómir qabattarynyń ashylýyn qamtamasyz etedi jáne qazý jumystaryna daiyn kómirdiń kólemin edáýir arttyrady, al sonyń nátijesinde kómir kásipornynyń básekege qabilettiligi artady.
«Biz biyl 18 mln tonna qatty otyn óndirýdi kózdep otyrmyz, bul 2017 jyly tutynýshylarǵa jetkizilgen kólemnen bir mln tonnaǵa artyq. Kómir qazý jumystary ónimdiligi joǵary zamanaýi mashinalar arqyly iske asyrylyp jatyr. Óndiristi tehnologiialyq jaraqtandyrý deńgeii jyl saiyn artyp keledi, al bul óndiriletin kómir sapasyn arttyrýǵa jáne eńbek qaýipsizdigi deńgeiin jaqsartýǵa jol ashady», - dedi V. Grinenko.
Ekinshi kezeńniń qurylysyn aldaǵy birneshe jylda júrgizý josparlanyp otyr, qurylystyń sońǵy úshinshi kezeńi jylyna 20 mln m3 jyldyq ónimdilikke qol jetkizýmen 2027 jylǵa aýystyryldy. Is júzinde barlyq jumystardy otandyq merdiger uiymdar jáne EEK qyzmetkerleri oryndady. Barlyǵy 300-den astam adam tartyldy.
Aita ketý kerek, joba ekologiialyq taza tehnologiialardy engizýdi, basqarýdy avtomattandyrýdy keńeitýdi, tabiǵi resýrstardy utymdy paidalanýdy jáne tabiǵatty qorǵaý sharalarynyń tiimdiligin arttyrýdy kózdeidi.
Óz kezeginde «Ekibastuz MAES-1» JShS-nyń bas direktory M. Ábishev biyl qýaty 325 MVt bolatyn №5 energetikalyq blok iske qosylatynyn habarlady. Búginde 5 energetikalyq blok pen jalpy qýattylyǵy 2105 MVt bolatyn 2 týrbina jańǵyrtylǵan. 2024 jyly «Ekibastuz MAES-1» barlyq 8 energetikalyq blogyn jobalyq qýatyna qospaq.
Oblys ákimdiginiń málimetine qaraǵanda, óńirdiń energetikalyq kesheni jalpy qýattylyǵy 8 400 MVt bolatyn 7 jylý elektr stantsiiasynan turady. 2017 jyly energiia kózderimen 41,35 mlrd kVts elektr qýaty óndirilgen. Biylǵy 8 aida bul kórsetkish 30,5 mlrd kVts kórsetti, bul byltyrǵy jyldyń sáikes kezeńimen salystyrǵanda 116,4%dy qurap otyr. Pavlodar oblysynyń elektr tutyný kólemi - 12,7 mlrd kVts, bul - óndiriletin jalpy elektr qýaty kóleminiń 41,6 %. Qalǵan elektr qýatynyń 14,05 mlrd kVts (46%) kólemin Pavlodar oblysy elimizdiń basqa aimaqtaryna jetkizse, Reseige 3,75 mlrd kVts(12,3%) kólemin eksporttaidy.
Eske sala keteiik, Premer-Ministr Memleket basshysynyń tapsyrmasymen el óńirlerin jumys saparymen aralap júr. Buǵan deiin Baqytjan Saǵyntaev jumys saparlarymen Atyraý, Aqtóbe, Qaraǵandy, Qostanai, Qyzylorda, Mańǵystaý, Ońtústik Qazaqstan (qazirgi Túrkistan), Batys Qazaqstan, Soltústik Qazaqstan jáne Aqmola oblystarynda boldy.
.jpeg)