Batys Qazaqstan oblysyna jumys sapary aiasynda Premer-Ministr Baqytjan Saǵyntaev «Nurly jer» baǵdarlamasy boiynsha turǵyn úi qurylysy barysymen jáne «7-20-25» baǵdarlamasyn iske asyrý kezeńderimen tanysý úshin Zashaǵan kentinde salynyp jatqan shaǵyn aýdanǵa bardy, dep habarlaidy "Ult aqparat" primeminister.kz portalyna silteme jasap.
Sonymen qatar, B. Saǵyntaev mamandandyrylǵan HQKO jumys zaldaryn aralap, «bir tereze» qaǵidaty boiynsha memlekettik qyzmetterdi berý protsesin avtomattandyrý sharalarymen tanysty.
Salynyp jatqan kóppáterli turǵyn úidi tekserý barysynda Premer-Ministrge nysan osy jyldyń shilde aiynda paidalanýǵa beriletini aityldy. Oral qalasynyń ákimi M. Muqaev Memleket basshysynyń jariialanǵan memlekettik turǵyn úi baǵdarlamalary tolyq kólemde iske asyrylyp jatqanyn atap ótti. 2015-2017 jyldary turǵyn úidi paidalanýǵa berý kólemi 159%-ǵa artty. Ákimdiktiń málimetteri boiynsha, ótken jyly óńirde 3 828 turǵyn úi salyndy, bul 2016 jylmen salystyrǵanda 38,6% artyq. 2017 jyly bastalǵan «Nurly jer» memlekettik baǵdarlamasy aiasynda jalpy somasy 9 mlrd teńgege 7 turǵyn úi (1106 páter) paidalanýǵa berildi. Osy jyldyń 1 shildesinde 2 234 turǵyn úi (234,9 myń sharshy metr turǵyn úi) paidalanýǵa berildi, bul 2017 jyldyń osyndai kezeńimen salystyrǵanda 115% teń. Biyl barlyǵy 415,7 myń sharshy metr paidalanýǵa beriledi, bul shamamen 3,8 myń turǵyn úi.
«2018 jyly qurylys salasyna 13 mlrd teńge bólindi. Búgingi tańda 43 turǵyn úidiń (6 400 páter) qurylys jumystary júrgizilip jatyr: memlekettik baǵdarlamalar aiasynda - 3 200 páterge arnalǵan 21 úi, memlekettik-jekeshelik áriptestik aiasynda - 1 400 páterge arnalǵan 10 kópqabatty turǵyn úi, jeke investitsiialar qarajatynyń esebinen - 1 600 páterge arnalǵan 12 kópqabatty turǵyn úi. Páterlerdiń jalpy aýdany 80,5 myń m²», - dedi Oral qalasynyń ákimi M. Muqaev.
Sonymen qatar, «7-20-25» jańa turǵyn úi baǵdarlamasy aiasynda jáne jeke investitsiialar esebinen oblys ortalyǵynyń tóńireginde jalpy aýdany 425 gektar bolatyn «Aqjaiyq» jańa shaǵyn aýdanyn igerý bastaldy. Munda 150 kóp qabatty turǵyn úi salý josparlanyp otyr.
Budan ózge, óńirde memlekettik-jekeshelik áriptestik qaǵidattaryna sáikes, buzylǵan apatty jáne eski úilerdiń ornyna jańa úiler salynýda. Osylaisha, 2017 jyly Oral qalasynda 7 apatty úi cúrilip, olardyń ornynda jańa ǵimarattar salynyp jatyr. Biyl apatty dep tanylǵan 13 úi súriledi.
Memlekettik baǵdarlamalardan ózge, Oralda jeke kópqabatty turǵyn úiler qurylysy qarqyndy júrip jatyr. Qala ákimdiginiń málimetinshe, tek sońǵy úsh jyldyń ózinde ǵana jalpy aýmaǵy 250 myń sharshy metr bolatyn, 4 500 páterden turatyn 35 kópqabatty úi salynǵan. Qazirgi kezde jeke investorlar jalpy aýmaǵy 80,5 myń sharshy metrlik 12 turǵyn úi (1 600 páter) qurylysyn júrgizip jatyr.
Prezidenttiń Bes áleýmettik bastamasynyń aiasynda sonymen qatar qaladaǵy oqý oryndarynyń janynan stýdentterge arnalǵan 6 jataqhanany salý josparlanyp otyr. Osylaisha, 1 650 stýdent turǵyn jaimen qamtylmaq. Qazirgi kezde jer telimderi bólingen, jobalaý jumystary atqarylýda.
2017 jyly Qazaqstanda rekordty turǵyn úiler sany 11 mln sharshy metr úi paidalanýǵa berilgen. Osylaisha, «Nurly jer» baǵdarlamasynyń arqasynda 100 myńnan astam adam jańa baspanaǵa ie boldy. Biyl 12 mln sharshy metrden astam, iaǵni 103 myńnan artyq turǵyn úi salý mindeti tur.
Jumys saparynyń jalǵasy retinde Premer-Ministr B. Saǵyntaev mamandandyrylǵan jańa Halyqqa qyzmet kórsetý ortalyǵyna bardy, onda «bir tereze» qaǵidaty boiynsha memlekettik qyzmetterdi kórsetý ádisterimen tanysty. Mamandandyrylǵan HQKO direktory M. Basarov aityp ótkendei, jumys istegen 2 aidyń ishinde ortalyq qyzmetkerleri 15 myń túrli qyzmetterdi kórsetken.
«Qala turǵyndary qyzmetterdi alýdyń qolaily formatyna kóshti. Kólikti qaita tirkeý men júrgizýshi kýálikterin aýystyrýdy olar onlain-rejimde jasai alady. Buryn atalǵan qyzmetterdi alý ýaqyty shamamen 6 saǵat bolatyn, qazir ortalyqtyń jańa múmkindikteriniń arqasynda kólik ieleri oǵan shamamen 90 minýt ýaqyttaryn jumsaidy. Kún saiyn mamandandyrylǵan HQKO-da orta eseppen 350-370 qyzmet kórsetiledi. Mamandandyrylǵan HQKO-da jyl saiyn 70 myńǵa jýyq avtokólik ielerine qyzmet kórsetiledi dep josparlanýda», - dedi M. Basarov.
.jpeg)