Búgin Ońtústik Qazaqstan oblysyna jumys sapary aiasynda QR Premer-Ministri Baqytjan Saǵyntaev «Atameken» Kásipkerler palatasynyń Óńirlik keńesiniń múshelerimen kezdesý ótkizdi, onda óńirde shaǵyn jáne orta biznesti damytý máseleleri qaraldy, dep habarlaidy "Ult aqparat" aimaq basshysynyń baspasóz qyzmetine silteme jasap.
Keńes barysynda qatysýshylar memlekettik satyp alýlardaǵy jergilikti qamtý úlesin arttyrý, Shymkent qalasynda halyqaralyq áýejaidyń jańa jolaýshylar terminalyn jańǵyrtý jáne salý, sýmen qamtý júiesin qalpyna keltirý, ósimdik sharýashylyǵyn sýbsidiialaý, otandyq taýarlardy eksporttaý kezinde kezdesetin kedergilerdi alyp tastaý, AÓK-ni jeńildikti nesielendirý, oblystyń ekonomika salalaryn tsifrlandyrýǵa qatysýy, jańa eksport saiasatyn ázirleý máselelerin talqylady.
Bul taqyrypta «Atameken» UKP basqarma tóraǵasy Abylai Myrzahmetov, «Karlskrona LC AB» JShS bas direktory Ýálihan Ahmetov, «SCAT» AQ prezidenti Vladimir Denisov, «Qainar mai» JShS prezidenti Hali Sarmanov, «Vizit» ASSZ JShS bas direktory Velkim Zlavdinov, Kásipkerler palatasy Óńirlik keńesiniń tóraǵasy Qainar Abasov, «Steklo i K» AT-tobynyń jetekshisi Iýldashev Hondamir sóz sóiledi.
Aitylǵan máselelerge qatysty ulttyq ekonomika ministri T. Súleimenov, investitsiialar jáne damý vitse-ministri R. Skliar, aýyl sharýashylyǵynyń birinshi vitse-ministri Q. Aitýǵanov, oblys ákimi J.Túimebaev túsinikteme berdi.
Kezdesýdi qorytyndylai kele, Baqytjan Saǵyntaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyna sáikes kásipkerlikti damytý elimizde ekonomikalyq ósimniń jańa úlgisin qalyptastyrý kezindegi basty baǵyttardyń biri bolyp tabylatynyn atap ótti.
Osyǵan bailanysty QR Úkimeti «Atameken» UKP-men tyǵyz yntymaqtastyqta otandyq biznesti qoldaý sharalaryn keńeitý boiynsha keshendi jumys júrgizýde.
Oǵan qosa, biznes qaýymdastyqtyń aldynda ekonomika salalaryn tsifrlandyrýǵa qatysý jáne óz ónimdiligi men shyǵaratyn ónim sapasyn arttyrý boiynsha úlken perspektivalar ashylady.
Anyqtama:
Oblystaǵy shaǵyn jáne orta kásipkerliktiń jumys istep turǵan sýbektileriniń sany aǵymdaǵy jyly 176,6 myń birlikti qurady nemese 2016 jyldyń osy kezeńinen 5% artyq. Búginde óńirde kásipkerlikti qoldaý boiynsha «Biznestiń jol kartasy-2020», sondai-aq ónimdi jumyspen qamtý jáne jappai kásipkerlikti damytý memlekettik baǵdarlamalaryn iske asyrý basty ról atqarady.
