Búgin Úkimet otyrysynyń barysynda, QR Premer-Ministri Baqytjan Saǵyntaev 25 tamyzda Jańǵyrtý jónindegi ulttyq komissiia qyzmetiniń máseleleri boiynsha ótken keńeste berilgen Memleket basshysynyń tapsyrmalaryn iske asyrý boiynsha birqatar tapsyrmalar berdi.
Penitentsiarlyq mekemelerdi jańǵyrtý men qurylys jumystaryna investorlardy tartý aiasynda, Baqytjan Saǵyntaev QR IIM-ne ulttyq ekonomika jáne qarjy ministrlikterimen birlesip, aptalyq merzimde oryn alǵan jaǵdaidy egjei-tegjeili zerttep, MJÁ tetigi aiasynda penitentsiarlyq mekemelerdi jańǵyrtý boiynsha naqty sheshimderdi shyǵarý týraly tapsyrma berdi.
Keden rásimderin jeńildetý boiynsha, qarjy ministrligine barlyq modýlder boiynsha «Astana - 1» pilottyq aqparattyq júiesin testileý tapsyryldy, ol 2018 jyldyń basynda irkilmei jumys isteýi tiis. Sondai-aq, jańa Keden kodeksin iske asyrýǵa qajetti zańǵa qosymsha aktilerdi ázirleý kerek. Olardy oryndaý biznes qaýymdastyqta másele týdyrmaýy tiis.
Atalǵan máseleni baqylaýǵa alý jaýapkershiligi QR Premer-Ministriniń birinshi orynbasary Asqar Maminge júkteledi.
Jańa Salyq kodeksiniń jobasy boiynsha ulttyq ekonomika ministrligine qujatty barlyq eskertýler turǵysynan pysyqtap, ony Parlament Májilisine usyný tapsyryldy.
Óńirlik elektr jelilik kompaniialarmen jumys aiasynda energetika ministrligine ulttyq ekonomika ministrligimen birlesip, ETK irilendirý protsesin bastaý tapsyryldy.
Sonymen qatar QR UEM men oblystardyń, Astana jáne Almaty qalalarynyń ákimderine 1 qazanǵa deiin iesiz elektr jelilerin túgendeý jáne 20 qazanǵa deiin olardy ákimdikterdiń teńgerimine ótkizý boiynsha tolyq jospardy bekitý tapsyryldy.
TUK men strategiialyq investorlardy tartý boiynsha QR UEM-ne Kazakh Invest pen oblystardyń, Astana jáne Almaty qalalarynyń ákimderimen birlesip, árbir investjobany iske asyratyn adamdar men jaýapkershilik aimaqtaryn anyqtaý tapsyryldy.
Týrizmdi damytý máselesi boiynsha, mádeniet jáne sport ministrligine Týristik salany damytý tujyrymdamasynyń sharalar josparyn jáne týristik klasterlerdi damytý úshin negizgi investorlardy tartý boiynsha naqty usynystardy eki aptalyq merzimde Úkimetke usyný júkteldi. Sondai-aq, Baqytjan Saǵyntaev «Qazaq Týrizm» ulttyq kompaniiasyn qurý rásimderin jyldamdatýdy tapsyrdy.
Mal sharýashylyǵynyń eksporttyq áleýetin ulǵaitý aiasynda QR AShM-ge oblystardyń jáne Astana men Almaty qalalarynyń ákimderimen birlesip, iriktep alynǵan investjobalardy paidalanýǵa berýdiń kestesin ázirlep, Úkimetke usyný tapsyryldy. Budan ózge, sút jáne et salasyna qosymsha investorlardy tartý máselesin pysyqtaý, sondai-aq, Astana men Almaty mańynda iri óńdeý kásiporyndarynyń qurylysy boiynsha usynystar engizý júkteldi.
Baqytjan Saǵyntaev óziniń orynbasary, QR aýyl sharýashylyǵy ministri Asqar Myrzahmetovke atalǵan máselelerdi erekshe baqylaýǵa alyp, jumysty jandandyrýdy tapsyrdy.
Kólik-logistika salasynda investitsiialar jáne damý ministrligine Almaty mańyndaǵy jańa aviahab qurylysy boiynsha jobany iske asyrý tásilderin qaita qaraý jáne 1 jeltoqsanǵa qarai naqty usynystardy ótkizý tapsyryldy.
Jer qoinaýyn paidalaný máseleleri boiynsha, investitsiialar jáne damý ministrligine energetika ministrligimen birlesip, 10 qyrkúiekke deiin Jer qoinaýy týraly kodeks jobasyn Prezident Ákimshiligimen bekitip, ony qyrkúiektiń sońyna deiin Parlamentke usyný tapsyryldy.
Aýyldyq okrýgterde jergilikti ózin-ózi basqarýdyń kommýnaldyq menshigi men biýdjettiń tórtinshi deńgeiin engizý aiasynda múddeli memlekettik organdarǵa jergilikti ózin-ózi basqarýdy damytý máseleleri boiynsha zańdy iske asyrýǵa barlyq tiisti zańǵa qosymsha aktilerdi ýaqytyly qabyldaý týraly tapsyrma berildi.
Atalǵan máseleni baqylaýǵa alý jaýapkershiligi QR Premer-Ministriniń birinshi orynbasary Asqar Maminge júkteldi.
Sondai-aq, QR Premer-Ministri Ult josparynyń «Biregeilik pen birlik» tórtinshi baǵytyn iske asyrý barysyna nazar aýdardy. Atalǵan baǵytta mádeniet jáne sport ministrligine jaýapty memlekettik organdarmen jáne óńirlerdiń, Astana men Almaty qalalarynyń ákimdikterimen birlesip, Memleket basshysynyń «Rýhani jańǵyrý» baǵdarlamalyq maqalasynda alǵa qoiǵan mindetterin iske asyrýǵa normativti-quqyqtyq aktiler men baǵdarlamalyq qujattardy qaita baǵdarlaý tapsyryldy.
.jpeg)